| e-texts navigator |
| Wylie |
289b1 རྒྱུ་དེས་ན་ཚེ་དང་ལྡན་པ་ཀྱང་བུ་ནོར་གྱིས་བདག་ཉིད་ཀྱི་ནང་གི་མེའི་ཁམས་ཀྱིས་ལུས་བསྲེགས་ཏེ་ཚིག་པར་བྱས་ན། དུད་པའང་མེད། ཐལ་བ་འམ། ལྷག་མ་ལུས་པ་ཙམ་ཡང་མེད་དོ།། ཆོས་མངོན་པའོ།།
289b2 བསྟན་བཅོས་ཆེན་པོ་རྒྱུ་གདགས་པ་ལས་ཚིགས་བཅུ་གཅིག་པའོ།། ། རྒྱུ་གདགས་པ་བམ་པོ་དྲུག་པ། སྡོམ་ནི། གཞོལ་དང་གང་ཟབ་དུས་རླབས
289b3 དང། ལན་ཚྭ་རིན་ཆེརན་ཆེན་པོ་གནས།། རུལ་བའི་རོ་དང་གཅིག་མི་གནས།། ཆུ་ཀླུང་རྒྱུན་དང་སྣ་ཚོགས་མདོག། རྒྱ་མཚོ་ཆེན་པོ་ནི་བྱིན་གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། མུ་ཁོ་ན་ནས་གང
289b4 པར་འདུག་པ་མ་ཡིན་ནོ་ཞེས་གསུངས་པ་དེ། ཅིའི་ཕྱིར་རྒྱ་མཚོ་ཆེན་པོ་བྱིན་གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། མུ་ཁོ་ན་རས་གང་པར་འཇུག་པ་མ་ཡིན་ཞེ་ན། སྨྲས་པ། རྒྱ་མཚོ་ཆེན་པོ་ནི་བྱིན
289b5 གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་པའང་མ་ཡིན། མུ་ཁོ་ན་ནས་གང་པར་འདུག་པའང་མ་ཡིན་གྱིས། གླིང་དེ་དག་དེ་ལྟར་འདུག་སྟེ། དཔེར་ན་ནས་ཀྱི་ཕུང་པོ་འམ། འབྲས་ཀྱི་ཕུང་པོ་བྱིན
289b6 གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། རྒྱུ་དེས་ན་རྒྱ་མཚོ་ཆེན་པོ་བྱིན་གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། མུ་ཁོ་ན་ནས་གད་པར་འདུག་པ་མ་ཡིན་ནོ།། རྒྱ་མཚོ་ཆེན་པོ་ནི
289b7 ཟབ་ཅིང་། མུར་ཐུག་པར་དཀའ་བའོ་ཞེས་གསུངས་པ་དེ། ཅིའི་ཕྱིར་རྒྱ་མཚོ་ཆེན་པོ་ཟབ་ཅིང་མུར་ཐུག་པར་དཀའ་ཞེ་ན། སྨྲས་པ། རྒྱ་མཚོ་ཆེན་པོ་ནི་ཟབ་ཅིང་མུར་ཐུག་པར་དཀའ་བ་མ་ཡིན་ཏེ། རྒྱ་མཚོ་ཆེན་པོ
iiif viewer powered by OpenSeadragon
