| e-texts navigator |
| Wylie |
288b1 ཏེ་རྒྱུ་ལས་བྱུང་བའི་གཟུགས་ཅན་མ་ཡིན་པ་ཞེས་བྱ་ནེ་ན། སྨྲས་པ། རྒྱུ་ལས་བྱུང་བའི་གཟུགས་ཅན་ཞེས་བྱའོ།། བར་མ་དོལ་སྲིད་པ་སེམས་ཡོད་ཅེས་བྱ་འམ། འོན་ཏེ་སེམས་མེད་པ་ཞེས་བྱ་ཞེས
288b2 སྨྲས་པ། སེམས་ཡོད་པ་ཞེས་བྱའོ།། བར་མ་དོའི་སྲིད་པ་གང་གི་སེམས་ཀྱི་དབང་གིས་འགྱུར་ཞེས་བྱ་ཞེ་ན། སྨྲས་པ། རང་གི་སེམས་ཀྱི་དབང་གིས་འགྱུར་བ་ཞེས་བྱའོ།། སྤྲུལ་པས་ཟོས་པ་གང་ཡིན་པ་དེ།
288b3 སྤྲུལ་པ་འམ། སྤྲུལ་པ་པོ་གང་གི་ལྟོར་འཇུ་བར་འགྱུར་ཞེ་ན། སྨྲས་པ། སྤྲུལ་པ་ནི་རྣམ་པ་གཉིས་ཏེ། སྐྱེས་ནས་ཐོབ་པ་དང་། བསྒོམས་པས་བྱུང་བའོ།། དེ་ལ་སྐྱེས་ནས་ཐོབ་པས་ཟོས་པ་གང་ཡིན་པ་དེ་ནི
288b4 སྤྲུལ་པའི་ལྷོར་འཇུ་བར་འགྱུར་རོ།། བསྒོམས་པ་ལས་བྱུང་བས་ཟོས་པ་གང་ཡིན་པ་དེ་ནི་སྤྲུལ་པ་པོའི་ལྟོར་འཇུ་བར་འགྱུར་རོ།། ཅི་སྤྲུལ་པ་མེད་པར་འགྱུར་བ་ཞེས་བྱ་འམ། འོན་ཏེ་མེད་པར་འགྱུར་བ་མ
288b5 ཡིན་པ་ཞེས་བྱ་ཞེ་ན། སྨྲས་པ། སྤྲུལ་པ་ནི་རྣམ་པ་གཉིས་ཏེ། སྐྱེས་ནས་ཐོབ་པ་དང་། བསྒོམས་པ་ལས་བྱུང་བའོ།། དེ་ལ་བསྒོམས་པ་ལས་བྱུང་བ་གང་ཡིན་པ་དེ་ནི་མེད་པར་འགྱུར་བ་ཞེས་བྱའོ།། སྐྱེས་ནས་ཐོབ
288b6 པ་གང་ཡིན་པ་དེ་ལ་ནི་མེད་པར་འགྱུར་བའང་ཡོད། མེད་པར་མི་འགྱུར་བའང་ཡོད་དོ།། མེད་པར་འགྱུར་བ་གང་ཞེ་ན། སྨྲས་པ། དཔེར་ན་ལྷ་འམ། ལྷ་མ་ཡིན་ནམ། གཟུགས་བཟང་པོ་འམ། གཟུགས་ངན་པར
288b7 སྤྲུལ་པ་དེ་ནི་མེད་པར་འགྱུར་བའོ།། མེད་པར་མི་འགྱུར་བ་གང་ཞེ་ན། སྨྲས་པ། རིང་དུ་སོང་དུ་ཟིན་ཀྱང་། དེའི་འོག་ཏུ་རང་བཞིན་ཇི་ལྟ་བ་ཁོ་ན་བཞིན་དུ་གནས་པ་གང་ཡིན་པ་དེ་ནི་མེད་པར་མི་འགྱུར་བའོ།། ཅིའི་ཕྱིར
iiif viewer powered by OpenSeadragon
