| e-texts navigator |
| Wylie |
285a1 མེད་པའི་རྟོག་པ་དང་། རྣམ་པར་འཚེ་བ་མེད་པའི་རྟོག་པ་ཀུན་ཏུ་བསྙེན་ཅིང་བསྒོམས་ཏེ་མང་དུ་བྱས་པའི་ཕྱིར་རོ།། གཞན་ཡང་སེམས་ཅན་གང་དག་ཉོན་མོངས་པའི་ཤས་ཆེད་དེ།
285a2 དག་གི་ཕྱི་བཞིན་དུ་མི་འབྲང་ཞིང་། ཕྱིན་མི་འདུག་པའི་ཕྱིར་ཏེ། རྒྱུ་དེས་ན་ཉོན་མོངས་པའི་ཤས་ཆེ་བར་མི་འགྱུར་རོ།། ཅིའི་ཕྱིར་དགེ་བའི་རྩ་བའི་ཆོས་རྣམས་ལ་བརྟག་པའི་བཟོད་པ་མྱུར་བར་མི་འགྱུར་ཞེ་ན།
285a3 སྨྲས་པ། དེས་འདི་ལྟ་སྟེ། དོན་རྣམ་པར་ངེས་པར་ཆོས་རྣམས་ལ་མཚན་མ་ལེགས་པར་མ་བཟུང་སྟེ། རྒྱུ་དེས་ན་དགེ་བའི་རྩ་བའི་ཆོས་རྣམས་ལ་བརྟགས་པའི་བཟོད་པ་མྱུར་བར་མི་འགྱུར་རོ།། ཅིའི་ཕྱིར་དགེ།
285a4 བའི་རྩ་བའི་ཆོས་རྣམས་ལ་བརྟག་པའི་བཟོད་པ་མྱུར་བར་འགྱུར་ཞེ་ན། སྨྲས་པ། དེས་འདི་ལྟ་སྟེ། དེན་རྣམ་པར་ངེས་པའི་ཆོས་རྣམས་ལ་མཚན་མ་ལེགས་པར་བཟུང་སྟེ། རྒྱུ་དེས་ན་དགེ་བའི་རྩ་བའི་ཆོས
285a5 རྣམས་ལ་བརྟག་པའི་བཟོད་པ་མྱུར་བར་འགྱུར་རོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚོགས་དགུ་པའོ།། ། སྡོམ་ནི། བླུན་པོ་དང་ནི་ཕྱོགས་དང་ས།། རི་རྣམས
285a6 དང་ནི་རྩཝ་མང་བ།། ཤིང་ཆེ་བ་དང་ལོ་མ་རྣམས།། མེ་ཏོག་འབྲས་བུ་ཕུན་སུམ་ཚོགས།། ཅིའི་ཕྱིར་རི་ཐམས་ཅད་ཀྱི་ནང་ན་རིའི་རྒྱལ་པོ་རི་རབ་མཆོག་ཅེས་བྱ་ཞེ་ན། སྨྲས་པ། འཇིག་རྟེན་འཆགས་པའི་ཚེ་རྒྱུའི
285a7 མཆོག་དང་། སྙིང་པོའི་མཆོག་དང་། བཟང་པོའི་མཆོག་དང་། ཟོང་གི་མཆོག་དེ་དེའི་ཕྱོགས་སུ་འདུས་ནས་དེ་ལས་དེ་གྲུབ་སྟེ། རྒྱུ་དེས་ན་རི་ཐམས་ཅད་ཀྱི་ནང་ན་རིའི་རྒྱལ་པོ་རི་རབ་མཆོག་ཅེས་བྱའོ།། ཅིའི་ཕྱིར་བྱད
iiif viewer powered by OpenSeadragon
