| e-texts navigator |
| Wylie |
276b1 འདི་ལྟ་སྟེ། སྦྲུལ་དང་། སྡིག་པ་དང་། སྦྲང་རྒོད་མདུང་གསུམ་པ་དང་། སྦྲང་རྒོད་མདུང་གསུམ་པ་ཆེན་པོ་དང་། སྲིན་གྱི་མེ་ལ་སོགས་པ་སྟེ། རྒྱུ་དེས་ན་ཞེ་སྡང་གི་ཤས་ཆེ་བར་འགྱུར་རོ།། ཅིའི་ཕྱིར་གཏི་མུག་གི
276b2 ཤས་ཆེ་བར་འགྱུར་ཞེ་ན། སྨྲས་པ། དེས་གཏི་མུག་མི་དགེ་བའི་རྩ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། གཏི་མུག་མེད་པ་དགེ་བའི་རྩ་བ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས
276b3 པའི་ཕྱིར་རོ།། གཞན་ཡང་དེས་རྣམ་པར་འཚེ་བའི་འདུ་ཤེས་དང་། རྣམ་པར་འཚེ་བའི་ཁམས་དང་། རྣམ་པར་འཚེ་བའི་རྟོག་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། རྣམ་པར་འཚེ་བ་མེད་པའི།
276b4 འདུ་ཤེས་དང་། རྣམ་པར་འཚེ་བ་མེད་པའི་ཁམས་དང་། རྣམ་པར་འཚེ་བ་མེད་པའི་རྟོག་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་ལྟ་བར་གྱུར་པ་རྣམས་ཀུན་ཏུ་བསྟེ།
276b5 ཅིང་བསྒོམས་ཏེ་མང་དུ་བྱས་པ་དང་།། དགེ་མཚན་དང་བཀྲ་ཤིས་རྟག་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། རྐྱེན་འདི་པ་ཉིད་ཀྱི་རྟེན་ཅིང་འབྲེལ་པར་འབྱུང་བའི་རྒྱུད་ལ་མ་ཞུགས་པ་དང་། ཉེ་བར་ལེན་པའི་ཕུང
276b6 པོ་ལྔ་ལ་འདི་ལྟ་སྟེ། འདི་ནི་གཟུགས་སོ།། འདི་ནི་གཟུགས་ཀུན་འབྱུང་བའོ།། འདི་ནི་གཟུགས་ཀྱི་ནུབ་པའོ།། འདི་ནི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཀུན་འབྱུང་བའོ།། འདི་ནི་རྣམ
276b7 པར་ཤེས་པའི་ནུབ་པའོ་ཞེས་སྐྱེ་བ་དང་འཇིག་པ་མཐོང་བས་རྒྱུན་དུ་མི་གནས་པའོ།། གཞན་ཡང་དེས་དབང་པོའི་སྒོ་རྣམས་མ་བསྡམས་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དབང་པོའི་སྒོ་རྣམས
iiif viewer powered by OpenSeadragon
