| e-texts navigator |
| Wylie |
275a1 པ་གནོད་པ་སྐྱེད་པ་སྟེ།། རྨོངས་པས་སེམས་ནི་རབ་རྨོངས་བྱེད།། ནང་ནས་འཇིགས་པ་སྐྱེས་གྱུར་པ།། དེ་ནི་སྐྱེ་བོས་མི་རྟོགས་སོ།། གང་གིས་འདིར་ནི་རྨོངས་སྤངས་ན།། རྨོངས་པར།
275a2 འགྱུར་ལ་རྨོངས་མི་བྱེད།། ཉི་མ་ཤར་བའི་མུན་པ་བཞིན།། དེ་ཡི་གཏི་མུག་མེད་པར་འགྱུར།། གང་གི་ཆོས་རྣམས་གསུམ་པོ་འདི།། ཏ་ལའི་མགོ་ལྟར་བཅད་བྱས་ཏེ།། གཏུབས་ནས་རིང་པོ་མི་ཐོགས་པར།།
275a3 དེ་ནི་སྐྱེ་གནས་འགྲོ་མི་འགྱུར།། དེ་ཕྱིར་འདོད་ཆགས་ཞེ་སྡང་དང་།། མ་རིག་པ་ནི་སྤོང་བྱེད་ཅིང་།། རིག་པ་སྐྱེད་པའི་དགེ་སློང་ནི།། སྡུག་བསྔལ་ཟད་པ་ཐོབ་པར་འགྱུར།། ཅིའི་ཕྱིར་འདོད་ཆགས་ཀྱི་ཤས་ཆེ་བར
275a4 འགྱུར་ཞེ་ན། སྨྲས་པ། དེས་ཆགས་པ་མི་དགེ་བའི་རྩ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། མ་ཆགས་པ་དགེ་བའི་རྩ་བ་ཀུན་ཏུ་མ་བསྟེན་ཅིང་བསྒོམས་ཏེ། མང་དུ་མ་བྱས་པའི་ཕྱིར་རོ།།
275a5 གཞན་ཡང་ངེས་འདོད་པའི་འདུ་ཤེས་དང་། འདོད་པའི་ཁམས་དང་། འདོད་པའི་རྟོག་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། མངོན་པར་འབྱུང་བའི་འདུ་ཤེས་དང་། མངོན་པར་འབྱུང་བའི།
275a6 ཁམས་དང་། མངོན་པར་འབྱུང་བའི་རྟོག་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་བརྒྱན་པ་དང་ཀླུབས་པ་ལ་བརྩོན་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས
275a7 པ་དང་། བརྒྱན་པ་དང་། ཀླུབས་པ་དང་བྲལ་བ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་སྡུག་པའི་མཚན་མ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་།
iiif viewer powered by OpenSeadragon
