| e-texts navigator |
| Wylie |
274b1 ཉེས་པར་སྤྱོད་པ་སྤྱད་ཅིང་དག་དང་ཡིད་ཀྱིས་ཉེས་པར་སྤྱོད་པ་སྤྱད་ནས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྲེ་བར་འགྱུར་རོ།། དགེ་སློང་།
274b2 དག་དེ་ལྟ་བས་ན་འདོད་ཆགས་དང་། ཞེ་སྡང་དང་། གཏི་མུག་ནི་ནང་གི་དྲི་མ་དང་། ནང་གི་དགྲ་ཟླ་དང་། ནང་གི་ཕྱིར་རྒོལ་བ་དང་། ནང་གི་དགྲ་བོ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེབ
274b3 གཤེགས་པས་དེ་སྐད་ཅེས་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ།། ཆགས་པ་ཡིས་ནི་དོན་མི་ཤེས།། ཆགས་པ་ཡིས་ནི་ཆོས་མི་མཐོང་།། མི་གང་འདོད་ཆགས་དང་དུ་ལེན།། དེ་ནི
274b4 མུན་པ་མུན་ནག་འགྲོ།། འདོད་ཆགས་གནོད་པ་སྐྱེས་པ་སྟེ།། འདོད་ཆགས་སེམས་ནི་ཆགས་པར་བྱེད།། ནང་ནས་འཇིགས་པ་སྐྱེས་གྱུར་པ།། དེ་ནི་སྐྱེ་བོས་མི་རྟོགས་སོ།། གང་གིས་འདིར་ནི་འདོད་སྤངས་ནས།། ཆགས
274b5 པར་འགྱུར་ལ་ཆགས་མི་བྱེད།། པདྨ་ལས་ནི་ཆུ་ཐིགས་བཞིན།། དེ་ཡི་འདོད་ཆགས་ལྡོག་པར་འགྱུར།། ཞེ་སྡང་བས་ནི་དོན་མི་ཤེས།། ཞེ་སྡང་བས་ནི་ཆོས་མི་མཐོང་།། མི་གང་ཞེ་སྡང་དང་དུ་ལེན།། དེ་ནི་མུན་པ
274b6 མུན་ནག་འགྲོ།། ཞེ་སྡང་གནོད་པ་སྐྱེས་པ་སྟེ།། ཞེ་སྡང་སེམས་ནི་སྡང་བར་བྱེད།། ནང་ནས་འཇིགས་པ་སྐྱེས་གྱུར་པ།། དེ་ནི་སྐྱེ་བོས་མི་རྟོགས་སོ།། གང་གིས་འདིར་ནི་ཞེ་སྡང་སྤངས།། སྡང་བར་འགྱུར་ལ་སྡང་མི
274b7 བྱེད།། འབྲས་བུ་སྨིན་པ་ཐག་ཆད་བཞིན།། དེ་ནི་ཞེ་སྡང་ལྷུང་བར་འགྱུར།། རྨོངས་པ་ཡིས་ནི་དོན་མི་ཤེས།། རྨོངས་པ་ཡིས་ནི་ཆོས་མི་མཐོང་།། མི་གང་རྨོངས་པ་དང་དུ་ལེན།། དེ་ནི་མུན་པ་མུན་ནག་འགྲོ།། རྨོངས
iiif viewer powered by OpenSeadragon
