| e-texts navigator |
| Wylie |
273a1 ཡིན་པའི་ཕྱིར། ཏིང་ངེ་འཛིན་དེ་ལ་སྙོམས་པར་ཞུགས་པ་ནི། གནོད་པའི་རེག་པས་གནོད་པར་མི་འགྱུར་བ་དང་། མི་འདྲ་བའི་སེམས་ཀྱིས་འཆི་བའི་འདུས་བྱེད་པ་མེད་དེ། རྒྱུ་དེས་ན
273a2 བྱམས་པའི་སྙོམས་པར་ཞུགས་པའི་ལུས་ལ། མེ་དང་། མཚོན་དང་། དུག་དང་། ཆུས་མི་ཚུགས་ཤིང་བར་མ་དོར་འཆི་བ་མེད་དོ།། ཅིའི་ཕྱིར་འདུ་ཤེས་མེད་པར་ཞུགས་པ་དང་། འགོག་པའི་སྙོམས་པར་ཞུགས
273a3 པའི་ལུས་ལ་མེ་དང་། མཚོན་དང་། དུག་དང་། ཆུས་མི་ཚུགས་ཤིང་བར་མ་དོར་འཆི་བ་མེད་ཅེ་ན། སྨྲས་པ།། གནོད་ལ་མི་དགའ་བའི་ཏིང་ངེ་འཛིན་ཡིན་པའི་ཕྱིར། ཏིང་ངེ་འཛིར་དེ་ལ་སོམས་པར་ཞུགས་པ་ནི་གནོ།
273a4 པའི་རེག་པས་གནོད་པར་མི་འགྱུར་བ་དང་། སེམས་མེད་པ་དེ་ལ་ནི་འཆི་བའི་དུས་བྱེད་པ་མེད་དེ། རྒྱུངས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་འཁོར་ལོ་སྒྱུར་བ་མངལ་ན་གནས་པས། འཁོར་ལོ་སྒྱུར་པ
273a5 མའི་ལུས་ལ་མེ་དང་། མཚོན་དང་། དུག་དང་། ཆུས་མི་ཚུགས་ཤིང་བར་མ་དོར་འཆི་བ་མེད་ཅེ་ན། སྨྲས་པ། འཁོར་ལོ་སྒྱུར་བའི་མཐུ་ལས་གྱུར་ཏེ། མཐུ་དེ་ནི་འཁོར་ལོ་སྒྱུར་བ་ཁོ་ནའི་ཡིན་ཏེ། དེས་ན་འཁོར
273a6 ལོ་སྒྱུར་བ་མངལ་ན་གནས་པས། འཁོར་ལོ་སྒྱུར་བའི་མའི་ལུས་ལ་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་འཁོར་ལོ་སྒྱུར་བའི་ལུས་ལ་མེ་དང་། མཚོན་དང་། དུག་དང་། ཆུས་མི་ཚུགས་ཤིང་བར་མདོར
273a7 འཆི་བ་མེད་ཅེ་ན། སྨྲས་པ། མི་ཐམས་ཅད་ལས་ཁྱད་པར་དུ་འཕགས་ཏེ། འཁོར་ལོ་སྒྱུར་བའི་གྱུར་པ་ནི། མི་ཇི་སྙེད་པ་དེ་དག་ལས་ཁྱད་དུ་འཕགས་ཏེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་བྱང་།
iiif viewer powered by OpenSeadragon
