| e-texts navigator |
| Wylie |
261a1 པའི་སླེབ་མོས་བླངས་ཤེ་ན། སྨྲས་པ། བྱང་ཆུབ་སེམས་དཔས་ནི་ཡུན་རིང་པོ་ནས་ནད་ཉུང་བར་འགྱུར་བའི་ལས་འབྲས་བུ་ཡོད་པ་རྣམས་བྱས་ཤིང་བསགས་ཏེ། རྣམ་པར
261a2 སྨིན་པ་མངོན་དུ་ཕྱོགས་ཤིང་ཉེ་བར་འོངས་པས་ན། དེ་ས་ལ་ལྷུང་ན་སྡུག་བསྔལ་གྱི་ཚོར་བ་མྱོང་བར་མི་འགྱུར་ཏེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་བྱང་ཆུབ་སེམས་དཔའ་བལྟམས
261a3 མ་ཐག་ཏུ་སུས་ཀྱང་མ་བཟུང་བར་གོམ་པ་བདུན་པོར་ཞེ་ན། སྨྲས་པབྱང་ཆུབ་སེམས་དཔས་ནི་ཡུན་རིང་པོ་ནས་ངེས་པར་འབྱུང་བ་དང་ལྡན་པའི་དྲན་པ་ཀུན་ཏུ་བསྟེན་ཅིང་བསྒོམས་ཏེ། མང་དུ་བྱས་པས
261a4 ན་དེས་དེ་ཉིད་དགོངས་སོ།། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་ཏེ། བྱང་ཆུབ་ཀྱི་ཡན་ལག་བདུན་འབྱུང་བ་དེའི་སྔ་ལྟས་ནི་དེ་ཡིན་ཏེ། རྒྱུ་དེས་ན་ཞེས་བྱ།
261a5 བནས། རྒྱས་པར་སྦྱར་རོ།། ཅིའི་ཕྱིར་བྱང་ཆུབ་སེམས་དཔའ་བལྟམས་མ་ཐག་ཏུ་ཕྱོགས་བཞིར་གཟིགས་ཤེ་ན། སྤྲས་པ། བྱང་ཆུབ་སེམས་དཔས་ནི་ཡུན་རིང་པོ་ནས་རྣམ་པར་རྟོག་པ་དང་ལྡན་པའི་དྲན་པ་ཀུན
261a6 ཏུ་བསྟེན་ཅིང་བསྒོམས་ཏེ། མང་དུ་བྱས་པས་ན་དེས་དེ་ཉིད་དགོངས་སོ།། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་ཏེ། འཕགས་པའི་བདེན་པ་བཞི
261a7 གཟིགས་པ་དེའི་སྔ་ལྟས་ནི་དེ་ཡིན་ཏེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་བྱང་ཆུབ་སེམས་དཔའ་བཙས་མ་ཐག་ཏུ་ཚིག་ཏུ་འདི་ནི་བདག་གི་སྲིད་པ་རྣམས་ཀྱི་ནང་ན་སྐྱེ་བའི་ཐ་མ་ཡིན་ནོ།།
iiif viewer powered by OpenSeadragon
