| e-texts navigator |
| Wylie |
260b1 ནད་མེད་པར་གྱུར་ཅེ་ན། སྨྲས་པ། བྱང་ཆུབ་སེམས་དཔའ་ནི་དབང་ཆེ་བར་གྲགས་པ་ཡིན་ཏེ། དེའི་གཟི་བྱིན་ཆེན་པོས་ཡུམ་གྱི་འབྱུང་བ་ཆེན་པོ་རྣམས་རྒྱས་པར་གྱུར་ཏེ། རྒྱུ་དེས་ན་བྱང་ཆུབ་སེམས
260b2 དཔའི་ཡུམ་ཞེས་རྒྱས་པར་སྦྱར་རོ།། ཅིའི་ཕྱིར་གང་གི་ཚེ་བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་བ་དེའི་ཚེ། ས་ཆེར་གཡོས་པར་གྱུར་ཅེ་ན། སྨྲས་པ། བྱང་ཆུབ་སེམས་དཔའ་ནི་དབང་ཆེ་བར
260b3 གྲགས་པའི་སེམས་ཅན་ཡིན་ཏེ་ཞེས་བྱ་བ་ནས། རྒྱས་པར་སྔར་བསྟན་པ་བཞིན་དུ་སྦྱར་རོ།། ཅིའི་ཕྱིར་གང་གི་ཚེ། བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་བ་དེའི་ཚེ། འཇིག་རྟེན་ཐམས
260b4 ཅད་སྣང་བ་ཆེན་པོས་ཁྱབ་པར་གྱུར་ཅེ་ན། དེ་ཡང་རྒྱས་པར་སྔར་བསྟན་པ་བཞིན་དུ་གྱུར་རོ།། ཅིའི་ཕྱིར་གང་གི་ཚེ། བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་བ་དེའི་ཚེ། དེ་སྐྱེད་པའི་ཡུམ་འདུག
260b5 པ་འམ། འཕྲེས་པར་མ་གྱུར་ཏེ། འགྲེང་བཞིན་དུ་རྒྱལ་རིགས་མོ་དེ་ལས་རྒྱལ་རིགས་བལྟམས་ཤེ་ན། སྨྲས་པ། བྱང་ཆུབ་སེམས་དཔའི་ཡུམ་གྱིས་ཡུན་རིང་པོ་ནས་ནང་ཉུང་བར་འགྱུར་བའི་ལས
260b6 འབྲས་བུ་ཡོད་པ་རྣམས་བྱས་ཤིང་བསགས་ཏེ། རྣམ་པར་སྨིན་པ་མངོན་དུ་ཕྱོགས་ཤིང་ཉེ་བར་འོངས་པས་ན། དེས་འདུག་པ་འམ། འཕྲེས་པའི་སྡུག་བསྔལ་གྱི་ཚེར་བ་མྱོང་བར་མི་འགྱུར་ཏེ།
260b7 རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་གང་གི་ཚེ། བྱང་ཆུབ་སེམས་དཔའ་ཡུམ་གྱི་ལྷུམས་ནས་བྱུང་བ་དེའི་ཚེ། ལྷའི་བུ་བཞི་ཕྱོགས་བཞིར་འཁོར་ནས། རི་དགས་ཀྱི་པགས
iiif viewer powered by OpenSeadragon
