| e-texts navigator |
| Wylie |
259a1 པ། ཡོངས་སུ་འདྲེན་པ་མེད་པར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱུང་ན་ཅི་མ་རུང་སྙམ་སྟེ། དོན་དེའི་དབང་ལ་བརྟེན་ནས། ལྷ་དེ
259a2 རྣམས་བྱང་ཆུབ་སེམས་དཔའི་ཡུམ་གྱི་ཕྱོགས་བཞིར་འཁོད་དོ།། ཆོས་དང་ལྡན་པར་སྲུང་བ་དང་། སྐྱབ་པ་དང་། སྦེད་པར་བྱེད་དོ།། ཅིའི་ཕྱིར་བྱང་ཆུབ་སེམས་དཔའ་ཡུམ་གྱི་ལྷུམས་ན་སྦུབས་ཀྱི་ནང་དུ།
259a3 ཞུགས་ཏེ། མངལ་གྱི་དྲི་མས་ཀྱང་མགོས། ཁྲག་གི་དྲི་མས་ཀྱང་མ་གོས། མི་གཙང་བ་དང་མི་གཙང་བ་ལས་གྱུར་པ་ཅི་ཡང་རུང་བ་གང་གིས་ཀྱང་མགོས་ཤེ་ན། སྨྲས་པ། བྱང་ཆུབ་སེམས་དཔས་ནི
259a4 སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཕ་མ་དང་། ཉེ་དུ་དང་། བླ་མ་ལྟ་བུ་རྣམས་དང་། གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱེད་པ་ལ་མི་དགའ་བ་གང
259a5 ཡིན་པ་དེ་དག་ལ་ཁྱིམ་རྣམ་པར་དག་པ་རྣམས་དང་། གདིང་བ་དང་། བགོ་བ་རྣམ་པར་དག་པ་རྣམས་དང་། ཟས་དང་། སྐོམ་དང་། བཅའ་བ་དང་། བཟའ་བ་དང་། གོས་དང་། སྤོས་དང་། མེ་ཏོག་འབྲེང
259a6 དང་། བྱུག་པ་དང་། མལ་ཆ་དང་། སྟན་དང་། གནས་དང་། མར་མེ་བྱིན་པ་དང་། རྣམ་པར་དག་པའི་ཆོས་དང་ལྡན་པའི་སེམས་ཅན་རྣམས་ལ་བྱ་བ་བྱས་པས་ན། ལས་དེ་དང་འཐུན་པར་ཡུམ་གྱི
259a7 ལྷུམས་ཀྱང་དེ་ལྟར་གྲུབ་བོ།། ཅིའི་ཕྱིར་བྱང་ཆུབ་སེམས་དཔའ་ཡུམ་གྱི་ལྷུམས་ན་ལུས་བག་ཡངས་སུ་གནས་པར་གྱུར་ལ། དེ་སྐྱེད་པའི་ཡུམ་གྱི་ལྷུམས་ན་གནས་པ་ཐམས་ཅད་ཚང་བར་མཐོང
iiif viewer powered by OpenSeadragon
