| e-texts navigator |
| Wylie |
256b1 ལྡན་འདས་ཀྱིས་ཅོན་མོངས་པ་ཐམས་ཅད་སྤངས་ནས། ཆོས་ཐམས་ཅད་ལ་སྒྲིབ་པ་མེད་པ་བརྙེས་སོ།། ཇི་ལྟར་བློན་པོ་རྟོགས་བྱེད་ཅིང་།། དོན་ཀྱང་སེམས་པར་བྱེད་པ་ལྟར།། སངས་རྒྱས་བཅོམ་ལྡན
256b2 ཤེས་རབ་ཀྱིས།། བདུད་ཀྱི་འཆིང་བ་གཅོད་པར་མཛད།། འཁོར་ལོ་སྒྱུར་བའི་རྒྱལ་པོ་ཇི་ལྟར་ཚེ་རིང་ཞིང་ཡུན་རིང་དུ་གནས་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
256b3 སངས་རྒྱས་ཀྱང་། སྐུ་ཚེ་རིང་ཞིང་ཡུན་རིང་དུ་བཞུགས་ཏེ། བཅོམ་ལྡན་འདས་བཞེད་ན་བསྐལ་པ་འམ། བསྐལ་པ་ལས་ལྷག་པར་ཡང་བཞུགས་སོ།། རྒྱལ་པོ་ཆོས་དང་ལྡན་པའི་མཆོག། ཇི་ལྟར་ཚེ
256b4 ནི་རིང་བ་ལྟར།། དེ་བཞིན་སངས་རྒྱས་བཅོམ་ལྡན་ཡང་།། བསྐལ་པ་ཚང་བའི་བར་དུ་བཞུགས།། འཁོར་ལོ་སྐུར་བའི་རྒྱལ་པོ་ཇི་ལྟར་གནོད་པ་ཆུང་ཞིང་ནད་མེད་པའི་རང་བཞིན་ཅན་ཡིན་པ་དེ་བཞིན་དུ།
256b5 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་གནོད་པ་ཆུང་ཞིང་ནད་མེད་པའི་རང་བཞིན་ཅན་ཡིན་ནོ།། རྒྱལ་པོ་ཆོས་དང་ལྡན་པའི་མཆོག། ཇི་ལྟར་གནོད་པ་ཆུང་བ་ལྟར།
256b6 སྟོན་པ་གྲགས་དང་ལྡན་པ་ཡང་།། དེ་བཞིར་ནད་མེད་རང་བཞིན་ཅན།། འཁོར་ལོ་སྒྱུར་བའི་རྒྱལ་པོ་ཇི་ལྟར་གཟུགས་བཟང་ཞིང་བལྟ་ན་སྡུག་ལ་མཛེས་པ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས
256b7 དང་ལྡན་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་གཟུགས་བཟང་ཞིང་བལྟ་ན་སྡུག་ལ་མཛེས་པ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང
iiif viewer powered by OpenSeadragon
