| e-texts navigator |
| Wylie |
256a1 པ་བཞིན།། སངས་རྒྱས་ཀྱི་ནི་སྤྱན་གྱིས་ཀྱང་།། ཁོ་ར་ཁོར་ཡུག་ཀུན་ཏུ་གཟིགས།། འཁོར་ལོ་སྒྱུར་བའི་རྒྱལ་པོའི་བུད་མེད་རིན་པོ་ཆེ་ཇི་ལྟ་བ་བཞིན་དུ།། དེ་བཞིན་གཤེགས
256a2 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དགའ་བ་ཡང་དག་བྱང་ཆུབ་ཀྱི་ཡན་ལག་ཀྱང་དེ་དང་འདྲ་བར་བལྟ་བར་བྱ་སྟེ། དགའ་བ་ཡང་དག་བྱང་ཆུབ་ཀྱི་ཡན་ལག་གིས། བཅོམ་ལྡན
256a3 འདས་ཀྱིས་ཉོན་མོངས་པ་ཐམས་ཅད་སྤངས་ནས། ཆོས་ཐམས་ཅད་ལ་སྒྲིབ་པ་མེད་པ་བརྙེས་སོ།། ཇི་ལྟར་རྒྱལ་པོའི་བཙུན་མོ་ནི།། ཡིད་དུ་འོང་ཞིང་བལྟ་ན་སྡུག། དེ་བཞིན་གོའུ་ཏ་མ་གྲགས་ལྡན་གྱི།
256a4 དགའ་བ་བྱང་ཆུབ་ཡན་ལག་ཡིན།། འཁོར་ལོ་སྒྱུར་བའི་རྒྱལ་པོའི་ཁྱིམ་བདག་རིན་པོ་ཆེ་ཇི་ལྔ་བ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་རིགས་བཞི
256a5 རྒྱལ་རིགས་དང་། བྲམ་ཟེ་དང་། རྗེ་རིགས་དང་། དམངས་རིགས་ཀྱང་དེ་དང་འདྲ་བར་བལྟ་བར་བྱ་སྟེ། རིགས་བཞི་པོ་དག། བཅོམ་ལྡན་འདས་ལན་བཟའ་དང་། གཟིམས་ཆ་དང་། གདན་དང་། སྤུན
256a6 གསོས་སྨན་དང་། ཡོ་བྱད་རྣམས་ཀྱིས་བསྙེན་བཀུར་བྱེད་དོ།། ཇི་ལྟར་འཁོར་ལོ་སྒྱུར་བ་ཡི།། ཚོང་དཔོན་ཕྱུག་ཅིང་ནོར་ཆེ་བའི།། གོའུ་ཏམ་ནི་གྲགས་ལྡན་གྱི།། རིགས་བཞི་རྣམས་ཀྱང་དེ་དང་འདྲ།། འཁོར
256a7 ལོ་སྒྱུར་བའི་རྒྱལ་པོའི་བློན་པོ་རིན་པོ་ཆེ་ཇི་ལྟ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཤེས་རབ་ཀྱང་དེ་དང་འདྲ་བར་བལྟ་བར་བྱ་སྟེ། ཤེས་རབ་ཀྱིས་བཅོམ
iiif viewer powered by OpenSeadragon
