| e-texts navigator |
| Wylie |
255b1 པ་བཞི་ཡང་དེ་དང་འདྲ་བར་བལྟ་བར་བྱ་སྟེ། རྫུ་འཕྲུལ་གྱི་རྐང་པ་བཞིས་བཅོམ་ལྡན་འདས་ཀྱིས་ཉོན་མོངས་པ་ཐམས་ཅད་སྤངས་ནས། ཆོས་ཐམས་ཅད་ལ་སྒྲིབ་པ་མེད་པ་བརྙེས་སོ།། ཇི་ལྟར
255b2 རྒྱལ་པོའི་གླང་པོ་ཆེ།། དཀར་ཞིང་མཁའ་ལ་འགྲོ་བར་གྱུར།། གོའུ་ཏ་མ་ནི་གྲགས་ལྡན་གྱི།། རྫུ་འཕྲུལ་རྐང་རྣམས་དེ་དང་འདྲ།། འཁོར་ལོ་སྒྱུར་བའི་རྒྱལ་པོའི་རྟ་རིན་པོ་ཆེ་ཇི་ལྟ་བ་བཞིན་དུ།
255b3 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཡང་དག་པར་སྤོང་བ་བཞི་ཡང་དེ་དང་འདྲ་བར་བལྟ་བར་བྱ་སྟེ། ཡང་དག་པར་སྤོང་བ་བཞི་ས་བཅོམ་ལྡན་འདས་ཀྱིས་ཉོན།
255b4 མོངས་པ་ཐམས་ཅད་སྤངས་ནས། ཆོས་ཐམས་ཅད་ལ་སྒྲིབ་པ་མེད་པ་བརྙེས་ཏེ། བྲག་གུའི་ཚིགས་སུ་བཅད་པ་ལས། ང་ཡི་ཤིང་རྟ་ལེགས་པར་བཅས་པ་ཚུལ་ཁྲིམས་ཡིན།། ངོ་ཚ་ཤེས་པ་ཁ་ལོ།
255b5 པ་སྟེ་སྲབ་མདའ་དྲན།། ཡང་དག་སྤོང་བ་བཞི་ནི་སྐད་མི་འབྱིན་པའི་རྟ།། ང་ནི་ངེས་པ་ཞི་བ་འདུས་མ་བྱས་པར་སོང་།། ཇི་ལྟར་སྤྲིན་ཤུགས་རྒྱལ་པོའི་རྟ།། སྔོལ་མགོ་བོ་གནག་པ་བཞིན།། གོ་རུ་ཏ་མ་ནི
255b6 གྲགས་ལྡན་གྱི།། ཡང་དག་སྤོང་རྣམས་དེ་དང་འདྲ།། འཁོར་ལོ་སྒྱུར་བའི་རྒྱལ་པོའི་ནོར་བུ་རིན་པོ་ཆེ་ཇི་ལྟ་བ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ལྷའི
255b7 སྤུན་ཡང་དེ་དང་འདྲ་བར་བལྟ་བར་བྱ་སྟེ། ལྷའི་སྤྱན་གྱིས་བཅོམ་ལྡན་འདས་ཀྱིས་གང་གི་ཚེ་བཞེད་པ་དང་། ཇི་སྙེད་བཞེད་པ་དེའི་ཚེ་དེང་དེ་སྙེད་གཟིགས་སོ།། ཇི་ལྟར་ནོར་བུ་བཻ་ཌཱུརརྱ།། ཁོ་ར་ཁོར་ཡུག་སྣང
iiif viewer powered by OpenSeadragon
