| e-texts navigator |
| Wylie |
248a1 དེས་ན་རྒྱལ་པོས་གསལ་དག་པའི།། བཻ་ཌཱུཪྻ་ཡི་ནོར་བུ་ཐོབ།། ནོར་བུ་རིན་པོ་ཆེ་དེ་ག་ལས་འོང་ཞེ་ན། སྨྲས་པ། གང་གི་ཚེ་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ན།
248a2 དེ་ལ་ཀླུ་རྣམས་སམ། ཡང་ན་རྒྱལ་པོ་ཆེན་པོ་བཞིས་འབུལ་བར་བྱེད་དོ།། ཅིའི་ཕྱིར་འཁོར་ལོ་སྒྱུར་བའི་རྒྱལ་པོས་བུད་མེད་རིན་པོ་ཆེ་ཐོབ་ཅེ་ན། སྨྲས་པ། འཁོར་ལོ་སྒྱུར་བའི་རྒྱལ་པོས་ནི། སྔོན་གྱི་སྲིད་པ
248a3 ཞེས་བྱ་བ་ནས། རྒྱས་པར་སྦྱར་ཏེ། དགེ་སྦྱོང་དང་། བྲམ་ཟེ་རྣམས་དང་། བཀྲེན་པ་རྣམས་དང་། སྡུག་འབོངས་པ་རྣམས་ལ་སྦྱིན་པ་འདི་ལྟ་སྟེ། ཟས་དང་། སྐོམ་དང་། བཅའ་བ་དང་། བཟའ་བ་དང་།
248a4 གོས་དང་། སྤོས་དང་། མེ་ཏོག་འཕྲེང་དང་། བྲུག་པ་དང་། མལ་ཆ་དང་། སྟན་དང་། གནས་དང་། མར་མེ་རྣམས་བྱིན་ཏེ། རྒྱུ་དེས་ན་འཁོར་ལོ་སྒྱུར་བའི་རྒྱལ་པོས་བུད་མེད་རིན་པོ་ཆེ་ཐོབ་བོ།། བུད་མེད་དེ་ཡང
248a5 གཟུགས་བཟང་ཞིང་བལྟ་ན་སྡུག་ལ་མཛེས་པ། མིའི་མདོག་ལས་ནི་འདས། ལྷའི་མདོག་ནི་མ་ཐོབ་པ་ཡིན་ཏེ། བཙུན་མོ་དེ་ནི་ཧ་ཅང་ཡང་མི་དཀར། ཧ་ཅང་ཡང་མི་སྔོ་སྟེ། པགས་པའི་མདོག་པྲི་ཡང་ཀུའི་མ
248a6 ཏོག་ལྟར་འདུག་ལ་ཧ་ཅང་ཡང་མི་རིང་། ཧཅང་སྣང་མི་ཐུང་སྟེ། ལུས་རན་པར་འདུག་པ་དང་། ཧ་ཅང་སྐེམ་པ་ཡང་མ་ཡིན། ཧ་ཅང་ཤ་ཆེ་བ་ཡང་མ་ཡིན་ཏེ། ཤ་རན་ལ་བཙུན་མོ་དེ་གྲང་བའི་དུས་ན་ནི། ལུས་རྣམས
248a7 ལ་རེག་ན་དྲོ་བར་འགྱུར་ལ། ཚ་བའི་དུས་ན་ནི་རེག་ན་བསིལ་བར་འགྱུར་རོ།། བཙུན་མོ་དེ་ནི་སྤུའི་ཁུང་བུ་ཐམས་ཅད་ནས་ཙན་དན་གྱི་དྲི་འབྱུང་ལ། ཁ་ནས་ཨུཏྤ་ལའི་དྲི་འབྱུང་སྟེ། དེ་ནས་འཁོར་ལོ་སྐུར་བའི།
iiif viewer powered by OpenSeadragon
