| e-texts navigator |
| Wylie |
247b1 མ་ལྟ་བུ་རྣམས་དང་། གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱ་བ་ལ་མི་དགའ་བ་གང་ཡིན་པ་དེ་དག་ལ་མུན་པར་སྣང་བ་མེད་པ། མུན་གནག་མར་མེ་མེད་པར་མར་མེ
247b2 འབྲུ་དང་། མར་དང་མར་མེའི་སྙིང་པོ་དང་། མར་མེའི་སྣོད་རྣམས་བྱིན་པ་དང་། སྒྲོན་མ་རྣམས་དང་། མར་མེ་རྣམས་དང་། སྣང་བ་རྣམས་བྱས་ནས། མུན་པ་ཆེན་པོ་མེད་པར་བྱས་ཏེ། དེ་བས་ན་འཁོར་ལོ
247b3 སྒྱུར་བའི་རྒྱལ་པོས་ནོར་བུ་རིན་པོ་ཆེ་ཐོབ་བོ།། ནོར་བུ་རིན་པོ་ཆེ་དེ་ཡང་བཻ་ཌཱུཪྻ་ཟུར་བརྒྱད་པ་བཟང་པོ་རིགས་ཆེ་བ། དག་ཅིང་རྙོག་པ་མེད་ལ། རྣམ་པར་གསལ་བ་སྟེ། འཁོར་ལོ་སྒྱུར་བའི་རྒྱལ་པོའི་བཙུན
247b4 མོའི་འཁོར་དུ་སྣང་བ་ཅི་ཙམ་དགོས་པ་ཐམས་ཅད་ནོར་བུ་དེའི་འོད་ཀྱིས་བྱེད་དོ།། དེ་ནས་འཁོར་ལོ་སྒྱུར་བའི་རྒྱལ་པོས་ནོར་བུ་རིན་པོ་ཆེ་དེ་སད་པར་འདོད་དེ། དེ་ནས་མཚན་མོ་མུན་ནག་ཐིབས་པོ་ཆར་ཟིམ་བུ
247b5 འབབ་ཅིང་གློག་འགྲུ་བའི་ནང་དུ། ནོར་བུ་རིན་པོ་ཆེ་རྒྱལ་མཚན་གྱི་རྩེ་མོ་ལ་བཏགས་ནས། དཔུང་གི་ཚོགས་ཡན་ལག་བཞི་པ་དང་བཅས་ཏེ། སྐྱེད་མོས་ཚལ་གྱི་ཐོག་ཏུ་སོང་ན། འཁོར་ལོ་སྒྱུར་བའི་རྒྱལ
247b6 པོའི་དཔུང་གི་ཚོགས་ཡན་ལག་བཞི་པ་ཇི་སྙེད་པ་ཐམས་ཅད་དང་། ཉེན་ཀོར་ཁོ་ར་ཁོར་ཡུག་ཏུ་དཔག་ཚད་ཕྱེད་ཚུན་ཆད་ནོར་བུ་དེའི་འོད་ཀྱིས་ཁྱབ་བོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། །
247b7 མུན་པ་སྣང་བ་མེད་པ་དང་།། མུན་ནག་མར་མེ་མེད་པར་ནི།། མར་མེ་ཏིལ་མར་སྙིང་པོ་རྣམས།། ལྐུག་པར་གཏོང་དང་ལྡན་པས་བྱིན།། གཞན་ཡང་གསལ་དང་སྣང་བ་དང་།། སྒྲོན་དང་འབར་བ་རྣམས་ཀྱང་བྱིན།།
iiif viewer powered by OpenSeadragon
