| e-texts navigator |
| Wylie |
245a1 ལོབས་པ་དེ་བཞིན་དུ། གླང་པོ་རིན་པོ་ཆེས་ཉིན་གཅིག་གིས་བརྡ་ཐམས་ཅད་ལོབས་སོ།། དེ་ནས་གླང་པོ་ཆེའི་འདུལ་སྐྱོང་མཁན་ལེགས་འགྲོས་གླང་པོ་རིན་པོ་ཆེ་ཤིན་ཏུ་དུལ་བར་རིག།
245a2 ནས་འཁོར་ལོ་སྒྱུར་བའི་རྒྱལ་པོ་ག་ལ་བ་དེར་དོང་སྟེ་ཕྱིན་ནས། འཁོར་ལོ་སྒྱུར་བའི་རྒྱལ་པོ་ལ་འདི་སྐད་ཅེས་གསོལ་ཏོ།། ལྷ་མཁྱེན་པར་མཛད་དུ་གསོལ། ལྷའི་གླང་པོ་རིན་པོ་ཆེ་བདག་གིས་བཏུལ
245a3 ལགས་ཀྱིས། ལྕེས་གང་གི་དུས་ལ་བབ་པར་མཁྱེན་པ་བཞིན་དུ་མཛད་དུ་གསོལ། དེ་ནས་འཁོར་ལོ་སྒྱུར་བའི་རྒྱལ་པོས་གླང་པོ་རིན་པོ་ཆེ་དེ་སད་པར་འདོད་དེ་ཉི་མ་འཆར་ཀའི་ཚེ། གླང་པོ་རིན་པོ་ཆེ
245a4 ལ་ཞོན་ནས། ས་ཆེན་པོའི་རྒྱ་མཚོའི་མཐར་ཐུག་པ་འདི་བསྐོར་ཏེ། རྒྱལ་པོའི་ཕོ་བྲང་དེ་ཉིད་དུ་འོངས་ནས། ཁྱེའུ་སུས་ཟའོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། བདེ་བའི་བཞི།།
245a5 པ་བྱིན་པ་དང་། བཞོན་པ་མང་པོ་བྱིན་པ་དང་།། གླང་པོ་རིན་ཆེན་མང་དང་ཁྱོགས།། སྨིག་འཁར་སྤ་མཁར་ཁྲི་རྣམས་དང་།། སྟེགས་ཀྱང་འདོགས་སུ་བཅུག་པ་དང་།། གྲུ་དང་ཟམ་པ་རྣམས་དང་ནི།།
245a6 ལྷམ་རྣམས་ཀྱང་ནི་བྱིན་པ་དང་།། ཀུན་ཏུ་དགའ་བ་སྣ་ཚོགས་བྱིན།། དེས་ན་རྒྱལ་པོས་གླང་པོ་ཆེ།། ཡན་ལག་བདུན་པོ་ལེགས་གནས་ཐོབ།། གླང་པོ་རིན་པོ་ཆེ་དེ་ག་ལས་འོངས་ཤེ་ན། སྨྲས་པ། བྱང
245a7 ཕྱོགས་ན་གསེར་གྱི་བྲག་ལྷ་མ་ཡིན་གྱི་ངོས་ཞེས་བྱ་བ་བྱ་སྐྱིབས་སུ་འདུག་པ། ཆུར་དཔག་ཚད་ལྔ་བཅུ། ཞེང་དུ་དཔག་ཚད་བཅུ། མཐའ་སྐོར་དུ་དཔག་ཚད་བརྒྱ་ལྔ་བཅུ། འཕང་དུ་དཔག་ཚད་ཕྱེད་དང
iiif viewer powered by OpenSeadragon
