| e-texts navigator |
| Wylie |
244b1 བྱ་བ་ལ་མི་དགའ་བ་གང་ཡིན་པ་དེ་དག་ལ། བདེ་བར་སྦྱར་བ་རྣམ་པ་སྣ་ཚོགས་འདི་ལྟ་སྟེ། གླང་པོ་ཆེའི་བཞོན་པ་རྣམས་དང་། རྟའི་བཞོན་པ་རྣམས་དང་། ཤིང་རྟའི་བཞོན་པ་རྣམས་དང་། ཁྱོགས་ཀྱི་བཞོན་པ
244b2 རྣམས་དང་། སྨིག་མའི་འཁར་བ་རྣམས་དང་། སྤ་འཁར་རྣམས་དང་། ཁྲི་རྣམས་བྱིན་པ་དང་། སྟེགས་འཆར་བཅུག་པ་དང་། གྲུ་དང་ཟམ་པ་རྣམས་དང་། ལྷམ་རྣམས་བྱིན་པ་དང་། དེ་དག་དང་གཞན་ཡང
244b3 བདེ་བའི་བཞོན་པ་རྣམ་པ་སྣ་ཚོགས་བྱིན་ཏེ། རྒྱུ་དེས་ན་འཁོར་ལོ་སྒྱུར་བའི་རྒྱལ་པོས་གླང་པོ་རིན་པོ་ཆེ་ཐོབ་བོ།། གླང་པོ་རིན་པོ་ཆེ་དེ་ཡང་མེ་ཏོག་ཀུ་མུ་ཏའི་མདོག་ལྟར་ཐལ་ཀར་དུ་འདུག་པ། ཡན་ལག
244b4 བདུན་ལེགས་པར་གནས་པ་སྟེ། གླང་པོ་ཆེའི་རྒྱལ་པོ་བསྙེན་གནས་ཞེས་བྱའོ།། དེ་འཁོར་ལོ་སྒྱུར་བའི་རྒྱལ་པོས་མཐོང་ནས་སེམས་དགའ་སྟེ། གླང་པོ་རིན་པོ་ཆེ་འདི་ནི་བཟང་སྟེ། ལན་ཅིག་གིས་དུལ་བར་འགྱུར།
244b5 རོ་སྙམ་མོ།། དེ་ནས་འཁོར་ལོ་སྒྱུར་བའི་རྒྱལ་པོས་གླང་པོ་ཆེའི་འདུལ་སྦྱོང་མཁན་ལེགས་འགྲོ་ཕོ་ཉས་བཀུག་ནས། གླང་པོ་ཆེའི་འདུལ་སྐྱོང་མཁན་ལེགས་འགྲོ་ལ་བསྒོ་བ། ལེགས་འགྲོ་ཤེས་པར་གྱིས་ཤིག།
244b6 གླང་པོ་རིན་པོ་ཆེ་བཟང་པོ་འདི་མྱུར་དུ་འདུལ་སྦྱོང་བྱོས་ལ་འོན་ཅིག། དེ་ནས་གླང་པོ་ཆེའི་འདུལ་སྦྱོང་མཁན་ལེགས་འགྲོས། ལྷ་བཀའ་བཞིན་འཚལ་ཞེས་བྱས་ནས། འཁོར་ལོ་སྒྱུར་བའི་རྒྱལ་པོས་བསྒོ
244b7 པབཔ་བཞིན་དུ་མཉན་ཏེ། གླང་པོ་རིན་པོ་ཆེའི་བརྡ་རྣམས་སློབ་ཏུ་བཅུག་ནས། ཉི་མ་གཅིག་གིས་བར་ཐམས་ཅད་ལོབས་ཏེ། དཔེར་ན་དེ་མ་ཡིན་པའི་གླང་པོ་ཆེ་རྣམས་ལོ་དུ་མ་ལོ་བརྒྱ་ཕྲག་དུ་མས་བརྡ་རྣམས
iiif viewer powered by OpenSeadragon
