| e-texts navigator |
| Wylie |
244a1 པར་གྱིས་ལ། དེའི་སྐུའི་འཁོར་མོ་རིན་པོ་ཆེ་སྐུར་ཅིག། དེ་ནས་རྒྱལ་པོ་ཆེན་པོ་བཞིས་ལྔའི་བུ་ལས་ཐམས་ཅད་པས་བསྒོ་བ་བཞིན་དུ་མཉན་ཏེ། ནོ་ཤས་འཚོ་བ་རྣམས་ལ་བསྒོ་བ
244a2 གྲོགས་པོ་དག་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས་པར་གྱིས་ལ། དེ་ལ་ལྷའི་འཁོར་ལོ་རིན་པོ་ཆེ་ཕུལ་ཅིག། དེ་ནས་རྒྱལ་པོ་ཆེན་པོ་བཞིས་བསྒོ་བ་བཞིན་དུ་ཞོ་ཤས་འཚོ་བ་རྣམས་ཀྱིས་མཉན
244a3 ནས། འཁོར་ལོ་སྒྱུར་བའི་རྒྱལ་པོ་ལ་གསོ་སྦྱོང་གི་དུས་ཚེས་བཅོ་ལྔ་དེ་ཉིད་ཀྱི་ཚེ། ཁྲུས་བྱས་ནས་གསོ་སྦྱོང་བླངས་ནས། བློན་པོའི་ཚོགས་ཀྱིས་བསྐོར་བ་ན། ཉི་མ་འཆར་ཀའི་ཚེ། ཤར་ཕྱོགས་ནས་ལྷའི་འཁོ
244a4 ལོ་རིན་པོ་ཆེ་འབུལ་བར་བྱེད་དོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། རྫུ་འཕྲུལ་ཆེན་པོ་ལས་ཀུན་ལ།། ལྷ་ཡི་རྒྱལ་པོས་བསྐུལ་ནས་ཀྱང་།། གསེར་གྱི་འཁོར་ལོ་རྩིབས་སྟོང་པ།། ལྟེ་བ
244a5 སུ་ཁྲུར་བཅས་པ་སྤྲུལ།། ལྷ་ཡི་བུ་ནི་རྫུ་འཕྲུལ་ཆེ།། ལྷ་རྒྱལ་རྣམས་ཀྱིས་བསྐུལ་ནས་ཀྱང་།། བསོན་ནམས་བྱས་པའི་རྒྱལ་དེ་ལ།། འཁོར་ལོ་ཡང་ནི་འབུལ་བར་བྱེད།། ལས་ཀྱི་ལམ་བཅུ་དཀར་བ་རྣམས།
244a6 སྔོན་ནི་ཡང་དག་བླངས་པར་གྱུར།། དེས་ན་ལས་འདི་ཐམས་ཅད་ལས།། སྤྲུལ་པའི་འཁོར་ལོ་རྒྱལ་པོས་ཐོབ།། ཅིའི་ཕྱིར་འཁོར་ལོ་སྒྱུར་བའི་རྒྱལ་པོས་གླང་པོ་རིན་པོ་ཆེ་ཐོབ་ཅེ་ན། སྨྲས་པ།
244a7 འཁོར་ལོ་སྒྱུར་བའི་རྒྱལ་པོས་ནི། སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཕ་མ་དང་། ཉེ་དུ་དང་། བླ་མ་ལྟ་བུ་རྣམས་དང་། གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར
iiif viewer powered by OpenSeadragon
