| e-texts navigator |
| Wylie |
243b1 མཚོན་ཆ་གཟོ་བ་མེད།། དེ་ནས་ཆད་པ་མེད་པ་དང་།། འཐུན་པས་ལེགས་པར་འདུལ་བར་འགྱུར།། གང་ལ་མི་མ་ཡིན་པ་ཡི།། ལྕགས་ཀྱི་འཁོར་ལོ་འབྱུང་འགྱུར་བ།། དེས་ནི་ཚུལ་ཁྲིམས་ཡང་དག་གྲངས།། སྔ་མ་ངཿ།
243b2 ལས་དམན་པ་མེད།། རྒྱལ་པོ་དེ་ནི་རྫུ་འཕྲུལ་ཆེ།། ས་སྟེང་འདི་ནི་ཐུལ་བར་འགྱུར།། དེ་དག་རྒྱལ་ཕྲན་ཐམས་ཅད་ཀྱིས།། གཡུལ་འགྱེད་ཕྱིར་ནི་བསུ་བར་བྱེད།། དེ་དག་དང་ནི་རྩོད་ནས་ཀྱང་།། སུ་ཡང་གསོད་པར་མི་བྱེད།
243b3 དེ། དེ་ནས་ཆད་པ་མེད་པ་དང་།། འཐུན་པས་ལེགས་པར་འདུལ་བར་འགྱུར།། རྒྱུ་གདགས་པ་བམ་པོ་གསུམ་པ།། འཁོར་ལོ་རིན་པོ་ཆེ་དེ་དག་ག་ལས་འོངས
243b4 ཤེ་ན། སྨྲས་པ། གང་གི་ཚེ་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་དེའི་ཚེ། ལྷ་རྣམས་ཀྱི་དབང་པོ་བརྒྱ་བྱིན་གྱིས། ལྷའི་བུ་ལས་ཐམས་ཅད་ལ་བསྒོབ། ལས་ཐམས་ཅད་པ་འཁོར་ལོ་སྒྱུར་བའི་རྒྱལ་པོ
243b5 འཇིག་རྟེན་དུ་བྱུང་བ་ཤེས་པར་གྱིས་ལ། དེའི་ལྷའི་འཁོར་ལོ་རིན་པོ་ཆེ་མངོན་པར་སྤྲུལ་པར་གྱིས་ཤིག། དེ་ནས་ལྷའི་བུ་ལས་ཐམས་ཅད་པས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསྒོ་བ་བཞིན་དུ་མཉན་ཏེ།
243b6 ལྷའི་འཁོར་ལོ་རིན་པོ་ཆེ་རྩིབས་སྟོང་པ་ལྟེ་བ་དང་བཅས། མུ་ཁྱུད་དང་བཅས་པ། རྣམ་པ་ཐམས་ཅད་ཡོངས་སུ་རྫོགས་པ། དག་པ། བཟང་བ། མཁན་བཟོས་མ་བྱས་པ། ལྷ་རྫས་རིལ་གྱིས་གསེར་ལས་གྲུབ་པ
243b7 མངོན་པར་སྤྲུལ་ཏོ།། དེ་ནས་ལྷའི་བུ་ལས་ཐམས་ཅད་པས་ལྷའི་འཁོར་ལོ་རིན་པོ་ཆེ་མངོན་པར་སྤྲུལ་ནས། རྒྱལ་པོ་ཆེན་པོ་བཞི་ལ་བསྒོ་བ། གྲོགས་པོ་དག་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས
iiif viewer powered by OpenSeadragon
