| e-texts navigator |
| Wylie |
242b1 ཕྱོགས་གང་དུ་སྡོད་པ་དེར་འཁོར་ལོ་སྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་མཚན་མོའི་དགོངས་མལ་འདེབས་སོ།། ཤར་ཕྱོགས་ཀྱི་རྒྱལ་ཕྲན་རྣམས་ཀྱིས་ཀྱང་། འཁོར
242b2 ལོ་སྒྱུར་བའི་རྒྱལ་པོ་གཤེགས་སོ་ཞེས་ཐོས་སོ།། ཐོས་ནས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ།
242b3 ཆ་བསྐོར་ནས། འཁོར་ལོ་སྒྱུར་བའི་རྒྱལ་པོ་དང་གཡུལ་འགྱེད་པའི་ཕྱིར་འབྱུང་བར་བྱེད་དེ། འཁོར་ལོ་སྒྱུར་བའི་རྒྱལ་པོ་དང་འཐབ་པ་དང་། མཚང་འདྲུ་བ་དང་། འགྱེད་པ་དང་། རྩོད་པར་བྱེད་ཅིང་།
242b4 མཚོན་གཟོ་བར་བྱེད་ཀྱི། གཅིག་ལ་གཅིག་གསོད་པར་ནི་མི་བྱེད་དེ། དེ་དག་དང་འཐབ་པ་དང་། མཚང་འདྲུ་བ་དང་། འགྱེར་པ་དང་། རྩོད་པས་བྱེ་བྲག་ཕྱེ་ནས། དེའི་འོག་ཏུ་ཆད་པ་མེད་ཅིང་མཚོན་གྱིས་བདའ
242b5 བ་མེད་ལ། ཆོས་དང་འཐུན་ཞིང་སྙོམས་པས་ལེགས་པར་ཕབ་སྟེ་གནས་སོ།། དེ་ནས་ལྷའི་འཁོར་ལོ་རིན་པོ་ཆེས་ཤར་ཕྱོགས་ལེགས་པར་བཏུལ་ཏེ། ཤར་ཕྱོགས་ཀྱི་རྒྱ་མཚོ་ཆེན་པོ་ལས་བརྒལ་ནས། ལྷོ་ཕྱོགས།
242b6 དང་། ནུབ་ཕྱོགས་དང་། བྱང་ཕྱོགས་ནས་རྒྱས་པར་རྒྱལ་པོའི་ཕོ་བྲང་དེ་ཉིད་ཀྱི་བར་དུ་འོངས་ཏེ། ཀརན་ཚོམ་པའི་སྟེང་ན་སྲོག་ཤིང་ལ་བཞག་པ་བཞིན་དུ་གནས་སོ།། འདི་ལ་ཆོས་ཉིད་ནི་ཡིན་ཏེ། དེ་ལ་འདི་སྐད་ཅེས
242b7 བྱའོ།། གང་ལ་མི་མ་ཡིན་པ་ཡི།། གསེར་གྱི་འཁོར་ལོ་འབྱུང་འགྱུར་བ། དེས་ནི་ཚུལ་ཁྲིམས་ཡང་དག་བླངས།། ཡོངས་སུ་རྫོགས་ཤིང་ཉམས་པ་མེད།། རྒྱལ་པོ་དེ་ནི་རྫུ་འཕྲུལ་ཆེ།། ས་སྟེང་འདི་ནི་ཐུལ་བར
iiif viewer powered by OpenSeadragon
