| e-texts navigator |
| Wylie |
240a1 འཁོར་ལོ་སྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་མཚན་མོའི་དགོངས་མལ་འདེབས་སོ།། ཤར་ཕྱོགས་ཀྱི་རྒྱལ་ཕྲན་རྣམས་ཀྱིས་ཀྱང་། འཁོར
240a2 ལོ་སྒྱུར་བའི་རྒྱལ་པོ་གཤེགས་སོ་ཞེས་ཐོས་སོ།། ཐོས་ནས་ཀྱང་འཁོར་ལོ་སྒྱུར་བའི་རྒྱལ་པོའི་ཐད་དུ་འདོང་བར་ནི་མི་བྱེད་ཀྱི། གང་གི་ཚེ་འཁོར་ལོ་སྒྱུར་བ་གཤེགས་པ་དེའི་ཚེ། མཆོད་ཡོན་ཁྱེར་ནས
240a3 འཁོར་ལོ་སྒྱུར་བའི་རྒྱལ་པོ་ག་ལ་བ་དེར་དོང་སྟེ་ལྷགས་ནས། འདི་སྐད་དུ་ལྷ་ཚུར་གཤེགས། ལྷ་གཤེགས་པ་ལེགས་སོ།། ཡུལ་འདི་དག་ནི་ལྷའི་ལགས་ཏེ། འབྱོར་བ་དང་། རྒྱས་པ་དང་། བདེ་བ་དང
240a4 ལོ་ལེགས་པ་དང་། སྐྱེ་བོ་དང་། མི་མང་པོས་གང་བ་ལགས་ཀྱིས། འདི་དག་ལྔས་ལེགས་པར་གདུལ་དུ་གསོལ། བདུག་ཅག་ནི་ལྷའི་ཞམ་རིང་འཚལ་ལོ་ཞེས་འཛེར་ཏོ།། འཁོར་ལོ་སྒྱུར་བའི་རྒྱལ
240a5 བོས་ཀྱང་དེ་དག་ལ་འདི་སྐད་དུ། ཡུལ་གྱི་གཙོ་བོ་དག་དེ་བས་ན་རང་རང་གི་ཡུལ་འཁོར་ཇི་ལྟ་བ་བཞིན་དུ་ཆོས་དང་འཐུན་པར་ལེགས་པར་ཐུལ་ཅིག། ཆོས་མ་ཡིན་པས་མ་བྱེད་ཅིག། ཡུལ་འཁོར་འདིར
240a6 ཆོས་མ་ཡིན་པ་སྤྱོད་པ་དང་། འགལ་བར་བྱེད་པ་སུ་ཡང་གནས་སུ་མ་གཞུག་ཅིག། དེ་ལྟར་བྱེད་དང་ཁྱེད་ངའི་ཞམ་རིང་བྱེད་པ་ཡིན་ནོ་ཞེས་པསྒོའོ།། དེ་ནས་ལྷའི་འཁོར་ལོ་རིན་པོ་ཆེས་ཤར་ཕྱོགས་ལེགས་པར
240a7 བཏུལ་ཏེ། ཤར་ཕྱོགས་ཀྱི་རྒྱ་མཚོ་ཆེན་པོ་ལས་བརྒལ་ནས། ལྷོ་ཕྱོགས་དང་། ནུབ་ཕྱོགས་དང་། བྱང་ཕྲོགས་ནས་རྒྱས་པར་རྒྱལ་པོའི་ཕོ་བྲང་དེ་ཉིད་ཀྱི་བར་དུ་འོངས་ཏེ། གདན་ཆོམ་པའི་སྟེང་ན་ཐོག
iiif viewer powered by OpenSeadragon
