| e-texts navigator |
| Wylie |
228b1 བྲེགས་ཏེ། གོས་ངུར་སྨྲིག་དག་བགོས་ནས་དད་པས་ཁྱིམ་ནས་ཁྱིམ་མེད་པར་ལེགས་པ་ཁོ་ནས་རབ་ཏུ་བྱུང་ན་ནི། འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
228b2 སུ་འགྱུར་ཏེ། སྦ་ཆེར་གྲགས་པར་འགྱུར་རོ་ཞེས་བྱ་བའི་བར་དུ་གསུངས་ཏེ། དེ་མཆེ་བ་ཤིན་ཏུ་དཀར་བ་དེས་གཅེས་པར་བྱེད། བཀུར་སྟི་བྱེད། བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་ཏེ། འདིན་དེའི་སྔ
228b3 ལྷས་ཡིན་ནོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། སྔོན་ནི་གང་གིས་མཆེ་བ་རབ་དཀར་བའི།། མཚན་ནི་གང་གིས་ཐོས་གྱུར་དེ་ཉོན་ཅིག། འདོད་པ་དག་ན་སྤྱོད་པའི་བྱམས་པ་ཐོབ།། རྟོག
228b4 པར་བྱེད་དང་སེམས་པར་འགྱུར་བ་སྟེ།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་པར་སྨིན་པ་དེ་ཡིས་ན།། བཅོམ་ལྡན་མཆེ་བ་ཤིན་ཏུ་དཀར་བ
228b5 གྱུར།། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་འགྲམ་པ་སེང་གེའི་འདྲ་བ་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར
228b6 ཏེ། སེམས་ཀྱིས་འདི་ལྟ་བུ་ཡི་དམ་དུ་བཅས་ཏེ། བདག་ལ་སུ་ཡང་རུང་བ་ཅི་སློང་ཡང་། དེ་བདག་ལ་ཡོད་ན་བདག་གིས་དེ་ལ་སྦྱིན་པར་བྱ་སྟེ། མ་བྱིན་གྱི་བར་དུ་ཕྱིར་གཏང་བར་མི་བྱའོ་སྙམ་སྟེ། དེ་ལས་དེ་དང་ཡང
228b7 དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུས་ལུས་ཞིག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བ་ནས། རྒྱས་པར་སྦྱར་རོ།། དེ་དེ་ནས་ཤི་འཕོས་ནས། ཁམས
iiif viewer powered by OpenSeadragon
