| e-texts navigator |
| Wylie |
226a1 ། ཟེ་ལ།། དགབ་པ་དང་ནི་སྒོམ་དང་ཟས་མང་བྱིན།། དེ་བཞིན་འགྲོན་དང་སློང་དང་སྡུག་ཕོངས་ལ།། ཟས་དང་སྐོམ་དང་དེ་བཞིན་གོས་རྣམས་དང་།། སྤོས་དང་མེ་ཏོག་འཕྲེང་དང་བྱུག་པ
226a2 དང་།། བདུག་སྤོས་ཕྱེ་མ་དེ་བཞིན་རོལ་མོའི་སྒྲ།། མར་མེ་དག་དང་གནས་དང་མལ་ཆ་བྱིན།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་པར་སྨིན་པ
226a3 ཡིས་ན།། བཅོམ་ལྡན་དེ་ཡི་མདུན་ནི་མཐོ་བར་གྱུར།། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་རོ་སྟོད་སེང་གེའི་འདྲ་བ་དང་། ཐལ་གོང་རྒྱས་པ་དང་། དཔུང་མགོ་ཤིན
226a4 ཏུ་ཟླུམ་པ་གསུམ་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ནན་གྱིས་འཛིན་པར་མི་བྱེད་པ་དང་། མཆོག་ཏུ་འཛིན་པ་མེད་པ་དང་གཉེས་པར
226a5 བསམམ་པ་ལེགས་པར་འདོར་བ་དང་། དུས་པོ་ཆེར་སྨྲ་བར་མི་བྱེད་པ་དང་། གཞན་ཡང་བྱང་ཆུབ་སེམས་དཔས་དགེ་སྦྱོང་དང་། བྲམ་ཟེ་མཁས་པ་དེ་དང་དེ་དག་ལ་བརྗོད་པར་བྱ་བའི་རྣམ་གྲངས་སྣ་ཚོགས
226a6 སྟོན་ཏྲེ། གནང་བར་བྱ་བ་དག་ལ་རྗེས་སུ་གནང་བ་དང་། གཞན་ཡང་བྱང་ཆུབ་སེམས་དཔས་རྒྱལ་པོ་བྱེད་པ་དང་། བློན་པོ་བྱེད་པ་ན་བདེ་བར་བྱས་དང་། དགེ་བར་བྱེད་པའི་གཙོ་བོར་གྱུར་ཅིང་། གཙོ་བོར་བསྒོ་བ
226a7 བྱས་ཏེ། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུས་ལུས་ཞིག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བ་ནས། རྒྱས་པར་སྦྱར་རོ།།
iiif viewer powered by OpenSeadragon
