| e-texts navigator |
| Wylie |
225b1 བར་དུ་རྒྱས་པར་སྦྱར་ཏེ། དེར་བྱང་ཆུབ་སེམས་དཔའ་དེས་སྐྱེས་བུ་ཆེན་པོའི་མཚན་ལུས་ཀྱི་མདུན་མཐོ་བ་ཐོབ་པར་འགྱུར་རོ།། དེའི་སྔ་ལྟས་ནི་འདི་ཡིན་ཏེ། གལ་ཏེ་ཁྱིམ་པར་འདུག་ཅིང་ཁྱིམ
225b2 ནགནས་ན་ནི། འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བ་ཞེས་བྱ་བ་ནས། རྒྱས་པར་སྦྱར་ཏེ། དེའི་གྲོང་དང་། གྲོང་ཁྱེར་དང་། ལྗོངས་རྣམས་དང་། མཛོད་དང་། བང་མཛོད་ལ་སོགས་པ
225b3 མཐོ་བར་འགྱུར་བ་དང་། བཀུར་སྟི་བྱེད། བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་རོ།། གལ་ཏེ་སྒྲ་དང་ཁ་སྤུ་རྣམས་བྲེགས་ཏེ། གོས་ངུར་སྨྲིག་དག་བགོས་ནས་ཞེས་བྱ་བ་ནས། རབ་ཏུ་བྱུང་ན
225b4 ནི་འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་ཏེ། སྒྲ་ཆེར་གྲགས་པར་འགྱུར་རོ་ཞེས་བྱ་བའི་བར་དུ་གསུངས་ཏེ། དེའི་མངོན་པར་འབྱུང་བ་དང་།
225b5 དབེན་པ་ལས་སྐྱེས་པའི་དགེ་བའི་ཆོས་རྣམས་དང་། བསམ་གཏཱན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཡིད་ལ་བྱེད་པའི་ཁྱད་པར་མཐོ་བར་འགྱུར་བ་དང་།
225b6 བཀུར་སྟི་བྱེད། བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་ཏེ། འདི་ནི་དེའི་སྔ་ལྟས་ཡིན་ནོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། ལོ་གྲངས་དྲུག་ཏུ་ལོན་པའི་གླང་པོ་ལྟར།། སྔ
225b7 ན་གང་གིས་མདུན་ནི་མཐོ་བར་གྱུར།། ལག་པ་རྐང་པ་དེ་བཞིནི་ཐལ་གོང་དང་།། ལྷག་པར་གང་གིས་མཚན་རྣམས་བྱུང་བར་གྱུར།། དེས་ནི་སྔོན་གྱི་སྐྱེ་བར་སྦྱིན་པ་སྦྱིན།། དགེ་སྦྱོང་རྣམས་དང་དེ་བཞིན་བྲམ
iiif viewer powered by OpenSeadragon
