| e-texts navigator |
| Wylie |
225a1 བྱའོ།། གང་གིས་སྟོན་ནི་གསེར་གྱི་མདོག་ཅན་གྱུར།། འདོམ་གང་འོད་ནི་བར་སྣང་ཉི་མ་བཞིན།། བགོ་བསྐོམ་དང་ཁ་ཟས་ཞིམ་པོ་དག། སྔོན་གྱི་ཚེ་རབས་དག་ཏུ་བྱིན་པ་དང་།། སྔོན་གྱི
225a2 ཚེ་རབས་དག་ཏུ་སྟོན་པ་ནི།། ཁྲོ་བ་མེད་ཅིང་ཁྲོ་གཉེར་བྲལ་གྱུར་ཏེ།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་པར་སྨིན་པ་དེ་ཡིས་ནི།། གསེར་གྱི
225a3 མདོག་ཅན་འདོམ་གང་འོད་དང་ལྡན། རྒྱུ་གདགས་པ་བམ་པོ་གཉིས་པ། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་ལུས་ཀྱི་མདུན
225a4 མཐོ་བ་ཐོབ་ཅེ་ན། སྦས་བྱ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། དགེ་སྦྱོང་དང་། བྲམ་ཟེ་རྣམས་དང་། བཀྲེས་པ་དང་། སྡུག་ཕོངས་པ་རྣམས་དང་།
225a5 སློང་བ་རྣམས་སྦྱིན་པ་མཐོ་བ་འདི་ལྟ་སྟེ། ཟས་དང་། སྐེམ་དང་། བཅའ་བ་དང་། བཟའ་བ་དང་། གོས་དང་། སྤོས་དང་། མེ་ཏོག་འཕྲེང་དང་། བྱུག་པ་དང་། མལ་ཆ་དང་། སྟན་དང་། གནས་དང་།
225a6 མར་མེ་དག་བྱིན་ཏེ། སེམས་ཀྱི་རྒྱུད་རྒྱ་ཆེན་པོས་རྣམ་པར་དག་པ་དང་ལྡན་པའི་སེམས་ཅན་རྣམས་ལ་བྱ་བ་བྱས་ཏེ། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུ།།
225a7 ལུས་ཞི་ག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བ་ནས། རྒྱས་པར་སྦྱར་རོ།། དེ་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བ
iiif viewer powered by OpenSeadragon
