| e-texts navigator |
| Wylie |
223b1 བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་ཏེ། འདྲིན་དེའི་སྔ་ལྟས་ཡིན་ནོ།། དེ་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། གང་གིས་འདིར་ནི་སྟོན་པའི་པགས་པ་སྲབ།། གང་ཚེ་སྤུན་པས།
223b2 རེ་རེར་སྐྱེ་བར་གྱུར།། མཁས་རྟགས་མང་དུ་ཐོས་པ་བརྟེན་པ་དང་།། རྟོག་པར་བྱེད་ཅིང་སེམས་པར་གྱུར་པ་དང་།། ས་ཕྱོགས་རྣམས་ཀྱང་གཙང་མར་བྱས་པ་དང་།། བསྐུ་ཞིང་དྲིལ་དང་ཁྲུས་རྣམས
223b3 བྱས་པ་སྟེ།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་སྨིན་དེས་ན་རྒྱལ་བ་ཡི།། པགས་པ་སྲབ་ཅིང་སྤུ་རྣམས་རེ་ར་སྟེ།།
223b4 ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་གསེར་གྱི་མདོག་དང་། འོད་འདོམ་གང་བ་གཉིས་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་དང་། སྔོན་གྱི་གནས་དང
223b5 སྔོན་གྱི་ལུས་དང་། སྔོན་གྱི་བདག་ཉིད་ཐོབ་པ་དང་། སྔོན་གྱི་ཚེ་རབས་གཞར་དག་དང་། འདས་པ་དང་། ཟད་པ་དང་། འགག་པ་དང་། བྲལ་བ་དང་། རྣམ་པར་གྱུར་པ་དང་། ཡོངས་སུ་ཟད་པ་དག་ཏུ་ཕ
223b6 མ་དང་། ཉེ་དུ་དང་། རྒན་རབས་དང་། བླ་མ་ལྟ་བུ་རྣམས་དང་། གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱ་བ་ལ་མི་དགའ་བ་གང་ཡིན་པ་དེ་དག་ལ་བཅའ་བ་དང་། བཟའ
223b7 བཞིམ་པོ་རྣམས་བྱིན་པ་དང་། ཁང་ཁྱིམ་བཟང་པོ་རྣམས་དང་། གདིང་བ་དང་། བགོ་བ་དང་། ཟས་དང་། སྐོམ་དང་། བཅའ་བ་དང་། བཟའ་བ་དང་། གོས་དང་། སྤོས་དང་། བྱུག་པ་དང་། མལ་ཆས
iiif viewer powered by OpenSeadragon
