| e-texts navigator |
| Wylie |
222b1 སྦྱར་ཏེ། འདི་ནི་དེའི་སྔ་ལྟས་ཡིན་ནོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། ཅི་ཡི་རྒྱུས་ན་མི་མཆོག་གི། མདོམས་ཀྱི་སྐུ་བསྦུབས་སུ་ནུབ།། སྤངས་དང་དེ་ཡི་ཐད་དུ་འོངས།། གང་ཡིན་དོན་ནི་སྔོན།
222b2 བྱས་དང་།། གཅེར་བུ་རྣམས་ནི་བཀའ་བ་དང་།། ངོ་ཚ་ཤེས་དང་ཁྲེལ་ཡོད་པ།། དེས་ནི་སྦུབས་སུ་ནུབ་པར་གྱུར། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་ལུས་ཀྱི་པགས་པ
222b3 སྲབ་པ་དང་། སྤུ་རེ་རེ་ནས་སྐྱེ་བ་གཉིས་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། དགེ་སྦྱོང་དང་། བྲམ་ཟེ་གསལ་བ་དང་། ཡིད་གཞུངས་པ་དང
222b4 མཁས་པ་དང་། ཡོངས་སུ་རྟོག་པར་བྱེད་པ་གང་ཡིན་པ་དེ་དག་གི་ཐད་དུ་སོང་ནས། བརྟེན་ཅིང་བསྙེན་བཀུར་བྱས་ནས། དགེ་བའི་ལས་ནི་གང་ཡིན། མི་དགེ་བའི་ལས་ནི་གང་ཡིན། ཁ་ན་མ་ཐོ་བ་མེད་པ་དང་།
222b5 ཁ་ན་མ་ཐོ་བ་དང་བཅས་པ་ནི་གང་ཡིན། གང་བྱས་ན་ནི་ལེགས་པར་འགྱུར་ཏེ། སྡིག་པར་མི་འགྱུར་ཞེས་དྲིས་ཤིང་དྲི་བའི་བྱ་བ་བྱས་ཏེ། དེ་དག་ལས་ཐོས་ནས་དེ་དག་དེ་བཞིན་དུ་བྱས་པ་དང་། གཞན་ཡང
222b6 བྱང་ཆུབ་སེམས་དཔའ་ནི་རྟོག་པར་བྱེད་ཅིང་། སེམས་པའི་རང་བཞིན་ཅན་དུ་གྱུར་པ་དང་། གཞན་ཡང་བྱང་ཆུབ་སེམས་དཔའ་ནི་རྟོག་པར་བྱེད་པ་ཡིན་ཏེ། ཕ་མ་དང་། ཉེ་དུ་དང་། རྒན་རབས་དང་། བླ་མ་ལྟ་བུ
222b7 རྣམས་དང་ཀ་གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱ་བ་ལ་མི་དགའ་བ་གང་ཡིན་པ་དེ་དག་ལ་དགའ་བ་དང་། ཁྲུས་བྱ་བ་དང་། མཉེ་བ་བྱ་བ་དང་། ས་ཕྱོགས་མི་གཙང་བ
iiif viewer powered by OpenSeadragon
