| e-texts navigator |
| Wylie |
213b1 རྗེས་སུ་འཐུན་པར་བྱེད་པར་འགྱུར།། དེ་ལྟ་བུ་ཡི་མི་དག་ནི།། ཆོས་ཀྱི་དབང་གིས་མཆོག་ཡིན་ནོ།། མི་མཉམ་པ་དང་ཟླ་མེད་དང་།། མཚུངས་མེད་རྣམ་པར་འདྲེན་པར་འགྱུར།། བཅོམ་ལྡན་འདས་ཀྱིས་དེ་སྐད་ཅེས
213b2 བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཅིའི་ཕྱིར་བྱང་ཆུབ་སེམས་དཔའ་སྐྱེས་བུ་ཆེན་པོའི་མཚན་རྐང་པ་ཤིན་ཏུ
213b3 གནས་པ་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི། སྔོན་གྱི་སྲིད་པ་དང་། སྔོན་གྱི་གནས་དང་། སྔོན་གྱི་ལུས་དང་། སྔོན་གྱི་བདག་ཉིད་ཐོབ་པ་དང་། སྔོན་གྱི་ཚེ་རབས་གཞན་དག་དང་། འདས་པ་དང་།
213b4 ཟད་པ་དང་། འགགས་པ་དང་། བྲལ་བ་དང་། རྣམ་པར་གྱུར་པ་དང་། ཡོངས་སུ་ཟད་པ་དག་ཏུ་དགེ་བའི་ཆོས་འདི་ལྟ་སྟེ། བདེན་པ་འམ། ཚུལ་ཁྲིམས་སམ། གཏོང་བ་འམ། བརྟུལ་ཞུགས་སམ། ཡི་དམ
213b5 གང་ཡང་དག་པར་བླངས་ཏེ་གནས་པར་གྱུར་ཀྱང་རུང་སྟེ། དེ་ཚུལ་ཁྲིམས་དང་། བརྟུལ་ཞུགས་དང་།། ཡི་དམ་དེ་ལ་ཡི་དམ་དམ་པོར་གྱུར་ཅིང་། ཡི་དམ་བརྟན་པོར་གྱུར་ཏོ།། ཡི་དམ་བརྟན་པོར་གྱུར་ནས་ཀྱང་།
213b6 མི་གཡོ། ཀུན་ཏུ་མི་གཡོ། ཀུན་ཏུ་རབ་ཏུ་མི་གཡོའོ།། མི་འགུལ། ཀུན་ཏུ་མི་འགུལ། ཀུན་ཏུ་རབ་ཏུ་མི་འགུལ་ལོ།། མི་འཁྲུགས། ཀུན་ཏུ་མི་འཁྲུགས། ཀུན་ཏུ་རབ་ཏུ་མི་འཁྲུགས་སོ།། མི་འཕྲོགས།།
213b7 ཀུན་ཏུ་མི་འཕྲོགས་། ཀུན་ཏུ་རབ་ཏུ་མི་འཕྲོགས་ཏེ། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་ཀ་ཡང་དག་པར་བཟུང་བ་དེ་ལྟ་བུས་ལུས་ཞིག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ།།
iiif viewer powered by OpenSeadragon
