| e-texts navigator |
| Wylie |
209a1 སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཝཱ་རཏྣ་སིའི་དྲང་སྲོང་སྨྲ་བ་རི་དགས་ཀྱི་ནགས་ན་བཞུགས་ཏེ། དེའི་ཚེ་དགེ་སློང་མང་པོ་རིམ་གྲོའི་ཁང་པར
209a2 འདུག་སྟེ། འཁོད་པའི་རྣམས་ཀྱིས་སྐབས་སུ་གཏམ་འདི་ལྟ་བུ་ཞིག་གླེངས་ཏེ། ཚེ་དང་ལྡན་པ་དག་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པའི་སྐྱེས་བུ་ཆེན་པོ་ནི་རྣམ་པ་གཉིས་སུ་འགྱུར་གྱི།
209a3 གཞར་དུ་མི་འགྱུར་ཏེ། གལ་ཏེ་ཁྱིམ་པར་འདུག་ཅིང་བྱིམ་ན་གནས་ན་ནི། འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཚེས་དང་ལྡན་པ་རིན་པོ་ཆེ་སྣ་བདུན་དང་ལྡན་པར་འགྱུར
209a4 རོ།། དེའི་རིན་པོ་ཆེ་སྣ་བདུད་ནི་འདི་ལྟ་བུ་ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་།
209a5 བདུན་པ་སྟེ་བློན་པོ་རིན་པོ་ཆེའོ།། དེའི་བུ་ནི་སྐྱེང་ཐམ་པ་ཡོད་དོ།། དཔའ་བ་རྟུལ་ཕོད་པ་དང་ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་ཤ་སྟག་གོ།། དེ་ནི་རྒྱ་མཚོ་ཆེན་པོ་ལ་ཐུག
209a6 པའི་ས་ཆེན་པོ་མ་ལུས་པ། གནོད་པར་སྔོ་བ་མེད་ཅིང་འཆེ་བ་མེད་པ་འདི་ནི་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་འཐུར་ཞིང་སྙོམས་པས་ལེགས་པར་ཕབ་སྟེ་གནས་སོ།། གལ་ཏེ་སྐྲ་དང་ཁ་སྤུ
209a7 རྣམས་བྲེགས་ཏེ། གོས་ངུར་སྨྲིག་དག་བགོས་ནས། དད་པས་ཁྱིམ་ནས་ཁྱིམ་མེད་པར་ལེགས་པ་ཁོ་ནར་རབ་ཏུ་བྱུང་ར་ནི། འཇིག་རྟེན་འདིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
iiif viewer powered by OpenSeadragon
