| e-texts navigator |
| Wylie |
193a1 ཟེ་ཡིན་པར་ངས་གསུངས་སོ།། གང་ཞིག་ལྷ་དང་དྲི་ཟ་དང་།། མི་ཡི་འགྲོ་བ་མི་ཤེས་ཤིང་།། ཞི་བ་འགྲོ་བ་མི་ཤེས་དེ།། བྲམ་ཟེ་ཡིན་པར་ངས་གསུངས་སོ།། གང་གིས་ཆོས་རྣམས།
193a2 མི་ཤེས་པ་འམ།། མ་མཐོང་བ་ནི་མེད་གྱུར་ལ།། ཤེས་བྱ་མཐའ་ཡས་བལྟ་བ་དེ།། བྲམ་ཟེ་ཡིན་པ་རངས་གསུངས་སོ།། གང་གིས་སྔོན་གྱི་གནས་རྟོགས་ཤིང་།། མཐོ་རི་སེང་ངན་སོང་མཐོང་བ་དང་།
193a3 དེ་ནས་སྐྱེ་བ་ཟད་ཐོབ་པའི།། ཐུབ་པ་མངོན་ཤེས་ལ་བརྩོན་པ།། སྡུག་བསྔལ་ཐ་མར་རབ་ཤེས་དེ།། བྲམ་ཟེ་ཡིན་པར་ངས་གསུངས་སོ།། སེམས་ཀྱི་རྣམ་གྲོལ་ཤེས་པ་དང་།། འདོད་ཆགས་ཀུན
193a4 ལས་གྲོལ་བ་དང་།། རིག་པ་གསུམ་དང་ལྡན་པ་དེ།། བྲམ་ཟེ་ཡིན་པར་ངས་གསུངས་སོ།། གང་གིས་སེམས་ཅན་འཆི་འཕོ་དང་།། སྐྱེ་བ་ཐམས་ཅད་རྟོགས་གྱུར་པ།། ཐོགས་མེད་སྤྱན་ལྡན་སངས
193a5 རྒྱས་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ཀུན་སྦྱོར་ཀུན་འདས་ཤིང་།། ཡོངས་སུ་གདུང་བ་མེད་པ་དང་།། དགའ་མེད་དྲན་ལྡན་སྟོན་པ་དེ།། བྲམ་ཟེ་ཡིན་པར་ངས་གསུངས་སོ།། ཐུབ་པ་རྣམ་རྒྱལ་དྲང
193a6 སྲོང་ཆེ།། ཁྱུ་མཆོག་རབ་མཆོག་གླང་པོ་ཆེ།། བཀུར་བྱེད་ཁྲུས་བྱས་སངས་རྒྱས་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་སྲིད་འདས་ཀུན་ཟིལ་གནོན།། ཆུ་བོ་ལས་རྒལ་རྣམ་པར་འཛིན།། རྣམ
193a7 གྲོལ་ཕ་རོལ་ཕྱིན་པ་དེ།། བྲམ་ཟེ་ཡིན་པར་ངས་གསུངས་སོ།། སྡིག་ཅན་རྣམ་པར་མི་སེམས་ཤིང་།། མི་སྒོམ་སྨྲ་བར་མི་བྱེད་པར།། འདུག་ནས་རྡུལ་བྲལ་སེམས་པ་དེ།། བྲམ་ཟེ་ཡིན་པར་ངས་གསུངས་སོ།། །
iiif viewer powered by OpenSeadragon
