| e-texts navigator |
| Wylie |
191a1 ཆགས་མེད་བདག་མེད་རེ་བ་མེད།། འཁྲུག་བཅོམ་བདག་ཉིད་མྱ་ངན་འདས་ཕྱོགས་ཏེ།། བྲམ་ཟེ་དགེ་སྦྱོང་དེ་ཡིན་དགེ་སློང་དེ།། གང་ཞིག་མ་ཡི་མངལ་སྐྱེས་ནས།། གལ་ཏེ་འཛིན་པ་དང
191a2 བཅས་ན།། དེ་མིང་བུ་ཞེས་སྨྲ་བར་བསྟན།། བྲམ་ཟེ་ཡིན་པར་ང་མི་སྦ།། ཡོངས་སུ་འཛིན་མེད་ལེན་མེད་པ།། བྲམ་ཟེ་ཡིན་པར་ངས་གསུངས་སོ།། གང་ཞིག་ལུས་དང་ངག་དང་ནི།། ཡིད་ཀྱི་ཉེས་བྱས་མི་བྱེད་ཅིང་།།
191a3 གང་ཞིག་གནས་གསུམ་ལེགས་བསྡམ་སྟེ།། བྲམ་ཟེ་ཡིན་པར་ངས་གསུངས་སོ།། གང་གི་ཚིག་དག་མི་རྩུབ་ཅིང་།། གོ་བྱེད་ཡིད་འོང་སྨྲ་བ་དང་།། གང་གིས་ཉོན་མོངས་མི་སྐྱེད་དེ།། བྲམ་ཟེ་ཡིན་པར་ངས
191a4 གསུངས་སོ།། གང་ཞིག་གསོད་འཆིང་གཤེ་བ་དང་།། སྡང་བའི་མི་ལ་བཟོད་བྱེད་དེ།། བཟོད་པའི་བརྟུལ་ཞུགས་སྟོབས་ཚོགས་ཅན།། བྲམ་ཟེ་ཡིན་པར་ངས་གསུངས་སོ།། ཁྲོ་བ་མེད་ཅིང་ཚུལ་ཁྲིམས་ཅན།།
191a5 བརྟུལ་ཞུགས་ལྡན་ཞིང་སེམས་ཁྲུལ་མེད།། དུལ་ཞིང་ལུས་མཐར་གནས་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་རབ་བྱུང་ཁྱིམ་པ་དང་།། དེ་བཞིན་གཉིས་ཀར་མི་འདྲེ་ཞིང་།། འདོད་ཆུང
191a6 ཁྱིམ་ནས་མ་བྱུང་དེ།། བྲམ་ཟེ་ཡིན་པར་ངས་གསུངས་སོ།། མ་འོངས་པ་ལ་མངོན་མི་དགའ།། འདས་པ་རྣམས་ལ་གདུང་མེད་པ།། འཁྲིག་པའི་སྦྱོར་བྲལ་གཡུལ་རྒྱལ་ཏེ།། བྲམ་ཟེ་ཡིན་པར་ངས
191a7 གསུངས་སོ།། མ་འོངས་པ་ལ་མངོན་མི་དགའ།། འདས་ལ་གདུང་མེད་རྡུལ་བྲལ་ཞིང་།། ཞི་བ་མྱ་ངན་མེད་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འདོད་ཆུང་གཞན་མི་གསོ།། དུལ་ཞིང་སྙིང
iiif viewer powered by OpenSeadragon
