| e-texts navigator |
| Wylie |
190b1 འཇུག་བཞིན་དུ།། ཕྱི་རོལ་ལེགས་པར་བྱི་དོར་བྱེད།། བློ་ངན་ཁྱོད་ཀྱི་རལ་པ་ཅི།། ཁྱོད་ཀྱི་གཡང་གཞི་གྱོན་པ་ཅི།། ཁྱོད་ནང་དྲིམ་ལྡན་བཞིན་དུ།། ཕྱི་རོལ་ལེགས་པར་བྱི་རོར་བྱེད།། རིགས་ཀྱིས་བྲམ་ཟེར།
190b2 འགྱུར་མ་ཡིན།། རལ་པས་མ་ཡིན་རུས་ཀྱིས་མིན།། གང་ཞིག་བདེན་པའི་ཆོས་ལྡན་པ།། གཙང་མ་དེ་ཡིན་བྲམ་ཟེ་དེ།། རིགས་ཀྱིས་བྲམ་ཟེར་འགྱུར་མ་ཡིན།། རལ་པས་མ་ཡིན་རུས་ཀྱིས་མིན།། གང་ཞིག
190b3 སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་ཕྱིར་དེ།། བྲམ་ཟེ་ཡིན་ཞེས་ངེས་པར་བརྗོད།། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང
190b4 ཞིག་དགེ་བའི་ཆོས་ལྡན་པ།། གཙང་མ་དེ་ཡིན་བྲམ་ཟེ་དེ།། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ།
190b5 རྣམས་ནི་སྤངས་ཕྱིར་ཏེ།། དགེ་སྦྱོང་བྲམ་ཟེ་དེ་ཡིན་ནོ།། སྐྱེ་བོ་ཕལ་ཆེར་འདིར་འཁྲུ་བ།། ཆུ་ཡིས་དག་པར་མི་འགྱུར་ཏེ།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ན།
190b6 སྤངས་ཕྱིར་ཏེ།། དགེ་སྦྱོང་བྲམ་ཟེ་དེ་ཡིན་ནོ།། གང་ཞིག་སྡིག་ཆོས་རབ་སྤངས་ཤིང་།། རྟག་ཏུ་དྲན་ལྡན་སྤྱོད་བྱེད་པར།། ཀུན་སྦྱོར་ཟད་པའི་སངས་རྒྱས་དེ།། འཇིག་རྟེན་དག་ན་བྲམ་ཟེ་ཡིན།། བྲམ་ཟེ་གང་ཞིག་སྡིག
190b7 པའི་ཆོས་སྤངས་ཤིང་།། བདག་ཉིད་ཚུལ་འཆོས་མེད་ཅིང་རྙོག་མེད་གནས།། རིག་བྱེད་མཐར་ཕྱིན་ཚངས་པར་སྤྱོད་པ་སྤྱད།། དུས་སུ་སྨྲ་བྱེད་དེ་ནི་ཚངས་པ་སྨྲ།། གང་ཞིག་སྒྱུ་ལ་མི་གནས་ང་རྒྱལ་མེད།། གང་ཞིག
iiif viewer powered by OpenSeadragon
