| e-texts navigator |
| Wylie |
187a1 མི་སྲིད་དོ།། སེམས་དགའ་ཡིད་ནི་བཟང་བ་དང་།། དགའ་དང་མི་དགའ་ཟིལ་མནོན་པའི།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར་འགྱུར།། ལུས་ནི་ངག
187a2 ནི་ཞི་བ་དང་།། སེམས་ཞི་ལེགས་པར་མཉམ་གཞག་ཅིང་།། འཇིག་རྟེན་ཟང་ཟིང་སྤངས་པ་ཡི།། དགེ་སློང་ཉེར་ཞི་ཡིན་ཞེས་བརྗོད།། ཏིང་འཛིན་མེད་ལ་ཤེས་རབ་མེད།། ཤེས་རབ་མེད་ལ་ཏིང་འཛིན་མེད།།
187a3 ཤེས་རབ་ཏིང་འཛིན་ལྡན་པ་དེས།། དགེ་སློང་ཡིན་ཞེས་བརྗོད་པར་བྱ།། དེ་བས་ཏིང་འཛིན་ཤེས་རབ་ལ།། མཁས་པ་རྣམས་ཀྱིས་འཇུག་བྱ་སྟེ།། དེ་བཞིན་ཤེས་རབ་དགེ་སློང་དེའི།། དང་པོར་བྱ་བ་འདི།
187a4 ཡིན་ནོ།། ཆོག་ཤེས་དབང་པོ་བསྡམས་བྱ་ཞིང་།། སོ་སོ་ཐར་པས་བསྡམས་པར་བྱ།། ཟས་འདིའི་ཚོད་ཀྱང་ཤེས་པར་བྱ།། བས་མཐའི་དགོན་པར་གནས་བྱ་ཞིང་།། ལྷག་པའི་སེམས་ལ་རྣལ་འབྱོར
187a5 བྱ། འདི་ནི་སངས་རྒྱས་བསྟན་པ་ཡིན།། གང་གི་ལུས་དང་ངག་དང་ནི།། ཡིད་ལ་ཉེས་བྱས་མེད་གྱུར་པ།། དེ་ནི་དགེ་བའི་ཚུལ་ཁྲིམས་ཅན།། ངོ་ཚའི་ཡིད་ལྡན་དགེ་སློང་ཡིན།། གང་གིས་རྫོགས་པའི་བྱང
187a6 ཆུབ་ཀྱི།། ཕྱོགས་ཀྱི་ཆོས་བདུན་ལེགས་བསྒོམས་པ།། དེ་ནི་དགེ་བའི་ཆོས་ཅན་ཏེ།། མཉམ་གཞག་དགེ་སློང་ཡིན་ཞེས་གསུང་།། འདི་ན་གང་ཞིག་བདག་ཉིད་ཀྱི།། སྡུག་བསྔལ་ཟད་པ་རབ་ཤེས་ལ།།
187a7 དགེ་ཞིང་ཤེས་རབ་ལྡན་པ་དེ།། ཟད་མེད་དགེ་སློང་ཡིན་ཞེས་གསུང་།། ཟག་པ་ཟད་པ་མ་ཐོབ་ན།། ཚུལ་ཁྲིམས་བཅུལ་ཞུགས་ཅན་དག་གམ།། ཡང་ན་ཐོས་པ་མང་པོ་འམ།། དབེན་པ་དག་ཏུ་གནས།
iiif viewer powered by OpenSeadragon
