| e-texts navigator |
| Wylie |
186a1 ལག་པ་ལེགས་བསྡམས་རྐང་པ་ལེགས་བསྡམས་དང་།། ཚིག་རྣམས་ལེགས་བསྡམས་དབང་པོ་ལེགས་བསྡམས་ཤིང་།། གཅིག་པུ་ནང་དུ་མཉམ་པར་འཇོག་ལ་དགའ།
186a2 ཆོག་ཤེས་དེ་ནི་དགེ་སློང་ཡིན་ཞེས་གསུང་།། དགེ་སློང་ཆོས་ལ་ཀུན་དགའ་ཞིང་།། ཆོས་དགའ་ཆོས་ལ་སེམས་པ་དང་།། ཆོས་ལ་རྗེས་སུ་དྲན་པ་དག། ཆོས་ལས་ཡོངས་སུ་ཉམས་མི་འགྱུར།། དགེ་སློང
186a3 སྐྱོང་ཞུགས་ནས་སུ།། ནང་ལ་ལྟ་བར་བྱེད་པ་དང་།། ཆོས་རྣམས་ལེགས་པར་མཐོང་བ་དག། ལྷ་ཡི་དགའ་དང་ལྡན་པར་འགྱུར།། ཇི་ལྟ་ཇི་ལྟར་ཕུང་པོ་ལ།། སྐྱེ་དང་འཇིག་པར་ལེགས་རྟོགས་པ།། དེ
186a4 དེ་ལྟར་དེ་ཡིས་ནི།། དགའ་དང་མགུ་བ་ཉིད་ཀྱང་འཐོབ།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར་འགྱུར།། ཇི་ལྟར་བྲག་གི་རི་བོ་དག་ཀ་རླུང་གིས་རབ་ཏུ་མི་གཡོས་ལྟར།། དེ་བཞིན
186a5 དགེ་སློང་འདོད་ཆགས་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཞེ་སྡང་དག། ཟད་པ་ཀུན་ཏུ་རབ་མི་གཡོ།། ཇི་ལྟར
186a6 བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་གཏི་མུག་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ
186a7 སློང་ང་རྒྱལ་དག་ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཆགས་པ་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག
iiif viewer powered by OpenSeadragon
