| e-texts navigator |
| Wylie |
185b1 སེམས་རྡུལ་ཡང་དག་སྡོམ་པ་བདེ།། སྐྱེ་དགུ་སེམས་ནི་བསྲུང་བ་དག། གཅིག་ཏུ་མྱ་ངན་འདས་པ་ཐོབ།། སེམས་ཀྱི་ཚེམས་ཏེ་སུམ་ཅུ་རྩ་གཅིག་པའོ།། དགེ་སློང་བསོད།
185b2 སྙོམས་བྱེད་པ་བདག་རང་ཙམ།། འདྲངས་པར་བྱེད་ཀྱི་གཞན་དག་མི་གསོ་བ།། རྟག་ཏུ་ཉེར་ཞི་དྲན་དང་ལྡན་པ་ཡིན།། སྐྱོབ་པ་དེ་ལ་ལྷ་རྣམས་དགའ་བར་བྱེད།། དགེ་སློང་བསོད་སྙོམས་བྱེད་པ་བདག་རང
185b3 ཙམ།། འདྲངས་པར་བྱེད་ཀྱི་གཞན་དག་མི་གསོ་བ།། སྐྱོབ་པ་དེ་ལ་ལྷ་རྣམས་དགའ་བྱེད་ཀྱི།། བཀུར་སྟི་ནོར་དང་གྲགས་འདོད་རྣམས་ལ་མིན།། དགེ་སློང་འདོད་པ་ཀུན་སྤངས་ཤིང་།། མདུན་ན་གནས་པའི
185b4 རྡུལ་གསལ་དང་།། བདག་མེད་ཐུབ་པ་བརྟན་པ་ཡིས།། གཞན་ལ་སྨྲ་བར་བྱ་མི་དགོས།། སྐྱེ་བོ་མ་བསྡམས་ཚིག་གིས་གནོད་བྱེད་པ།། མི་བཟད་བརྗོད་པའི་ཚིག་དེ་ཐོས་གྱུར་ཀྱང་།། དགེ་སློང་སྡང་སེམས
185b5 བྲལ་ལ་ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། སྐྱེ་བོ་མ་བསྡམས་ཚིག་གོས་གནོད་བྱེད་པ།། མི་བཟད་བརྗོད་པའི་ཚིག་དེ་ཐོས་གྱུར་ཀྱང་།། དགེ་སློང་ཡིད་ལེགས་གཞག་ལ
185b6 ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། བཟོ་ཡིས་མི་འཚོ་ཡང་ཞིང་བདག་ལ་དགའ།། དབང་པོ་དུལ་དང་ཀུན་ལས་རྣམ་གྲོལ་ཞིང་།། ཁྱིམ་ལ་མ་ཆགས་བདག་མེད་འདོད
185b7 སྲེད་སྤངས།། གཅིག་པུ་སྤྱོད་བྱེད་དེ་ནི་དགེ་སློང་ཡིན།། འཚེ་གཙང་སྙོམས་ལས་མེད་པ་ཡི།། གྲོགས་པོ་འཐུན་པ་བསྟེན་བྱ་ཞིང་།། སོ་སོར་བགོ་བཤའ་བྱ་བ་དང་།། སྤྱོད་ཡུལ་ཆོ་ག་མཁས་པར་བྱ།
iiif viewer powered by OpenSeadragon
