| e-texts navigator |
| Wylie |
184b1 ཀྱིས་བརྩེ་བྱས་ན།། བསོད་ནམས་ཕལ་ཆེན་འཕགས་པས་རབ་ཏུ་སྒྲུབ་པར་འགྱུར།། མི་གང་དགའ་བའི་སེམས་དང་ནི།། ཞུམ་པ་མེད་པའི་ཡིད་ཀྱིས་སུ།། དགེ་བའི་ཆོས་ལ་སྒོམ་བྱེད་པ།
184b2 གྲུབ་པ་དང་ནི་བདེ་བ་འཐོབ།། ཡང་དག་ཤེས་པས་ནམ་གྲོལ་ཞིང་།། སྐྱོ་བ་ཉེ་བར་ཞི་གྱུར་པ།། དེ་ཡིས་ཡིད་ནི་ཞི་གྱུར་ཅིང་།། ལུས་དང་ངག་གི་ལས་ཀྱང་ཞི།། ཇི་ལྟར་རྩེ་གཅིག་སེམས་ཀྱིས་ནི།།
184b3 ཆོས་རྣམས་ལེགས་པར་མཐོང་བ་ལྟར།། སིལ་སྙན་ཡན་ལག་ལྔ་པས་ཀྱང་།། དེ་ལྟར་དགའ་བར་བྱེད་མི་འགྱུར།། གང་ཡིན་ཏིང་འཛིན་ལ་དགའ་བ།། དེ་དག་འདོད་པས་རྩེ་མི་བྱེད།། གང་ཞིག
184b4 ཅུང་ཟད་གདུང་མེད་པའི།། སྐྱོབ་པ་བདེ་བར་ཉལ་བར་འགྱུར།། གང་ཡིད་ཏིང་འཛིན་ལ་དགའ་བ།། དེ་དག་འདོད་པས་རྩེན་མི་བྱེད།། གང་ཞིག་ཅུང་ཟད་གདུང་མེད་པའི།། ཐུབ་པ་ཀྱེ་མའོ་དགའ་བར
184b5 འགྱུར།། གང་གི་སེམས་ནི་བྲག་ལྟ་བུར།། རབ་ཏུ་གཡོ་བ་མེད་འདུག་པ།། ཆགས་པའི་གནས་ལ་མི་གནས་ཏེ།། ཁྲོ་བའི་གནས་ལ་འཁྲུག་མེད་པར།། གང་ཡིད་དེ་ལྟར་གྱུར་པ་དེ།། སྡུག་བསྔལ
184b6 ཐོབ་པར་ག་ལ་འགྱུར།། སྐུར་པ་མི་གདབ་གནོད་མི་བྱ།། སོ་སོར་ཐར་པས་བསྡམ་པར་བྱ།། ཟས་འདི་ཚད་ཀྱང་ཤེས་པར་བྱ།། བས་མཐའི་དགོན་པར་གནས་བྱ་ཞིང་།། ལྷག་པའི་སེམས
184b7 ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ་ཡིན།། སེམས་ཀྱི་རྟགས་ལ་མཁས་པ་དང་།། རབ་ཏུ་དབེན་པའི་རོ་སྙེད་དང་།། རབ་དྲང་སེམས་པའི་འགྲུས་སྐྱོང་ཅན།། ཟང་ཟིང་མེད་པའི།
iiif viewer powered by OpenSeadragon
