| e-texts navigator |
| Wylie |
181a1 མང་ཐོས་པ་དང་།། རྟོགས་ཤིང་ཅི་ཡང་མེད་པ་ཀྱེ་རེ་བདེ།། སྐྱེ་བོ་སྐྱེ་བོའི་ལུས་ལ་རབ་ཆགས་ཤིང་།། ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཅི་མེད་ཡོན་ཏན་རྟོགས་པ
181a2 དང་། སྐྱེ་བོ་ཅི་ཡང་མེད་པར་གྱུར་པ་བདེ།། སྐྱེ་བོ་སྐྱེ་བོའི་སེམས་ལ་རབ་ཆགས་ཤིང་།། ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཅི་མེད་ཡོན་ཏན་རྟོགས་པ་དང་།། སྐྱེ་བོ་ཅི་ཡང་མེད་པར་གྱུར་པ་བདེ།།
181a3 སྐྱེ་བོ་སྐྱེ་བོའི་སེམས་ལ་རབ་ཆགས་ཤིང་།། ཅུང་ཟད་ཡོད་པ་བརླག་པར་གྱུར་ལ་ལྟོས།། གཞན་གྱི་དབང་གྱུར་ཀུན་སྡུག་སྟེ།། རང་དབང་ཡོད་པ་ཐམས་ཅད་བདེ།། སྦྱོར་བ་ཤིན་ཏུ་སྤངས་དཀའ་བ།། ཐུན
181a4 མོ་གྱུར་པས་བརླག་པར་ཟད།། ཞེན་པར་གྱུར་པའི་མི་ནང་ན།། ཞེན་པ་མེད་པར་གནས་པ་དང་།། ཞེན་པའི་ནང་ནམ་ཞེན་པར།། ཀྱེ་མའོ་ཤིན་ཏུ་བདེ་བར་འཚེ།། ནད་ཀྱིས་ཐེབས་པའི་མི་ནང་ན།། ནད་མེད
181a5 པར་ནི་གནས་པ་དང་།། ནད་པའི་ནང་ན་ནད་མེད་པ།། ཀྱེ་མའོ་ཤིན་ཏུ་བདེ་བར་འཚོ།། འཚེ་བ་ཅན་གྱི་མི་ནང་ན།། འཆེ་བ་མེད་པར་གནས་པ་དང་།། འཆེ་བའི་ནང་ན་འཚེ་མེད་པ།། ཀྱེ་མའོ་ཤིན་ཏུ་བདེ་བར་འཚེ།།
181a6 གནོད་སེམས་ཅན་གྱི་མི་ནང་ན།། གནོད་སེམས་མེད་པར་གནས་པ་དང་།། གནོད་སེམས་ཅན་ནང་གནོད་མེད་པ།། ཀྱེ་མའོ་ཤིན་ཏུ་བདེ་བར་འཚེ།། ཤ་ཁོན་ཅན་གྱི་མི་ནང་ན།། ཤ་ཁོན་མེད་པར་གནས་པ་དང་།།
181a7 ཤཁོན་ཅན་ནང་ཁོན་མེད་པ།། ཀྱེ་མའོ་ཤིན་ཏུ་བདེ་བར་འཚོ།། མི་ཐི་ལ་དག་རབ་བསྲེགས་ཀྱང་།། ང་ལ་ཅི་ཡང་ཚིག་པ་མེད།། ང་ལ་གང་དག་ཅི་མེད་པས།། ཀྱེ་མའོ་ཤིན་ཏུ་བདེ་བར་འཚོ།། ངལ་ཅི་ཡང་མེད་མོད།
iiif viewer powered by OpenSeadragon
