| e-texts navigator |
| Wylie |
180a1 པར་འཛིན་བདེ།། དེ་བཞིན་མར་ཡང་འཛིན་པ་བདེ།། འཇིག་རྟེན་དགེ་སྦྱོང་འཛིན་པ་བདེ།། དེ་བཞིན་བྲམ་ཟེར་འཛིན་པ་བདེ།། སངས་རྒྱས་རྣམས་ནི་འབྱུང་བ་བདེ།
180a2 དེ་བཞིན་ཆོས་རྣམས་བརྟན་པ་བདེ།། དགེ་འདུན་རྣམས་ནི་འཐུན་པ་བདེ།། འཐུན་པ་རྣམས་ཀྱི་དཀའ་ཐུབ་པདེ།། ཚུལ་ཁྲིམས་ལྡན་པ་མཐོང་བ་བདེ།། མང་དུ་ཐོས་པ་མཐོང་བ་བདེ།། ཡང་སྲིད།
180a3 རྣམ་པར་གྲོལ་བ་ཡི།། དགྲ་བཅོམ་པ་དག་མཐོང་བ་བདེ།། འཇུག་ངོགས་བདེ་བའི་ཆུ་ཀླུང་བདེ།། ཆོས་ཀྱིས་རྒྱལ་བའི་སྐྱེ་བོ་བདེ།། ཤེས་རབ་ཐོབ་པར་འགྱུར་བ་བདེ།། ང་འོ་ང་རྒྱལ་ཟད་པ་སྟེ།།
180a4 འཕགས་པ་རྣམས་ནི་མཐོང་བ་བདེ།། དམ་པ་དག་དང་འགྲོགས་པ་བདེ།། བྱིས་པ་རྣམས་ནི་མ་མཐོང་ན།། རྟག་ཏུ་བདེ་བ་ཉིད་དུ་འགྱུར།། རྣམ་པ་ཀུན་ཏུ་དགྲ་འདྲ་བའི།། བྱིས་དང་འགྲོགས་པ་སྡུག
180a5 བསྔལ་ཞིང་།། བྱིས་པ་དག་དང་འགྲོགས་བྱེད་པ།། ཡུན་རིང་རྗེས་སུ་འགྱོད་པར་འགྱུར།། སྐྱེས་བུ་ཅང་ཤེས་དཀོན་པ་སྟེ།། དེ་དག་ཀུན་ཏུ་འབྱུང་མ་ཡིན།། བརྟན་པ་རྣམས་དང་འགྲོགས་པ
180a6 དག། གཉེན་དང་ཕྲད་པ་ལྟ་བུར་བདེ།། གང་དུ་བརྟན་པ་དེ་སྐྱེས་པ།། དེ་ཡི་རིགས་ཀྱིས་བདེ་བ་འཐོབ།། བྲམ་ཟེ་མྱ་ངན་འདས་པ་དག། རྣམ་པ་ཀུན་ཏུ་བདེ་བར་འདུག། གང་ཞིག་འདོད་པས་མགོས
180a7 ཤིང་། ཟག་མེད་རབ་ཏུ་རྣམ་གྲོལ་བ།། སྲེད་པ་ཐམས་ཅད་གཏུབས་པ་དག། སྙིང་ལས་རིམས་ནད་རྣམ་པར་བསལ།། སེམས་ཀྱིས་ཞི་བ་ཐོབ་པ་རྣམས།། ཉེ་བར་ཞི་ཞིང་བདེ་བར་འདུག། གང
iiif viewer powered by OpenSeadragon
