| e-texts navigator |
| Wylie |
179b1 མྱུར་རུ་ཞིནི་བ་དམ་པ་ཡི།། མྱ་ངན་འདས་པ་ཐོབ་པར་འགྱུར།། བསོད་ནམས་བྱེན་པ་རྣམས་ལ་ནི།། གཞན་ལས་བྱུང་བའི་གནོད་པ་དང་།། ལྷ་དང་བཙུན་ཀྱི་རིས་རྣམས་ཀྱིས།། བར་ཆད་བྱ་བར་མི་ནུས་སོ།། 15།
179b2 ཏེ་སྡུག་བསྔལ་ཟད་བྱའི་ཕྱིར།། འཕགས་དང་ཤེས་རབ་གཏོང་ལྡན་ལ།། དེ་ཡིས་འབད་རྩོལ་བྱས་ན་ནི།། ལྷག་མཐོང་གིས་ནི་རེག་པར་འགྱུར།། སེམས་ནི་རབ་ཏུ་རྣམ་དངད་བས།། ཆོས་ལ་དགའ་བྱེད་བདེ་བ
179b3 འཐོབ།། འཕགས་པས་གསུངས་པའི་ཆོས་དག་ལ།། མཁས་པ་རྟག་ཏུ་དགའ་བར་བྱེད།། གང་དག་སེམས་ནི་བསམ་གཏན་དགའ།། གང་ཞིག་སྐྱེ་མེར་དགའ་བ་དང་།། དྲན་པ་ཉེ་བར་གཞག་བཞི་དང་།། བྱང
179b4 ཆུབ་ཡན་ལག་བདུན་དག་དང་།། རྫུ་འཕྲུལ་རྐང་པ་བཞི་རྣམས་དང་།། ཡན་ལག་བརྒྱད་ལམ་གང་དགའ་བ།། དེ་དག་ཆོས་གོས་འཆང་བ་དང་།། བསོད་ནམས་བདེ་བར་ཟ་བར་བྱེད།། དེ་དག་རི་དང་ནགས་ཚལ་ན།
179b5 བདེ་བར་འཆགས་པར་བྱེད་པ་དང་།། དེ་དག་བདེ་འཐོབ་བདེ་བར་ནི།། མཐོང་བའི་ཆོས་ལ་མྱ་ངན་འདའ།། ཁོན་དང་འཇིགས་པ་ཀུན་འདས་ཤིང་།། འཇིག་རྟེན་ཡུལ་གྱི་སྲིད་ལས་རྒལ།། ཆོས་ཐོས་པ་དང་མཐོང
179b6 བ་དང་།། དབེན་པར་དགའ་བ་བདེ་བ་སྟེ།། འཇིག་རྟེན་སྲོག་ཆགས་འབྱུང་པོ་ལ།། འཚེ་མེད་ཡང་དག་སྡོམས་པ་བདེ།། འདོད་པ་རྣམས་ལས་རབ་འདས་ཤིང་།། འཇིག་རྟེན་འདོད་ཆགས་བྲལ་བ་བདེ།། ངའོ།།
179b7 སྙམ་པའི་ང་རྒྱལ་དག། འདུལ་བ་དེ་དག་མཆོག་སུ་བདེ།། རྒས་ཁར་ཚུལ་ཁྲིམས་ལྡན་པ་བདེ།། དང་ལ་རབ་ཏུ་གནས་པ་བདེ།། དོན་ལྡན་ཚིག་ལ་དགའ་བ་བདེ།། སྡིག་པ་མི་བྱེད་པ་དག་བདེ།། འཇིག་རྟེན་ན་ནི།
iiif viewer powered by OpenSeadragon
