| e-texts navigator |
| Wylie |
178b1 མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ཞིག་རྒྱལ་ལས་མི་ཉམས་ཤིང་།། འཇིག་རྟེན་མ་རྒྱལ་ཅུང་ཟད་མེད།། སངས་རྒྱས་མཐུ་རྩལ་མཐའ་ཡས་དེ།། འགྲོ་མེད་གོམ་པ་གང་གིས
178b2 བཀྲི།། གང་ལ་ཁྲིད་བྱེར་སྲེད་པ་ནི།། ཡུལ་སྲེད་འདྲ་བ་འགའ་མེད་པ།། སངས་རྒྱས་སྤྱོད་ཡུལ་མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ལ་ཁྲིད་བྱེད་སྲེད་པ་ནི།། ཡུལ་སྲེད་འདྲ་བ་འགའ
178b3 མེད་པ།། སངས་རྒྱས་མཐུ་རྩལ་མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ཞིག་རྣམ་པར་རྟོག་པ་རྣམས་བསལ་ཅིང་།། ནང་གི་ཀུན་ལ་རྣམ་པར་རྟོག་མེད་པ།། ཀུན་ཏུ་སྦྱོར་དང་གཟུགས
178b4 དང་འདུ་ཤེས་འདས།། རྣལ་འབྱོར་བཞི་དང་བྲལ་ལ་སྐྱེ་བ་མེད།། སྔོན་བྲལ་ཕྱི་མ་དང་བྲལ་ཞིང་།། དབུས་བྲལ་སྲིད་པའི་ཕ་རོལ་ཕྱིན།། རྣམ་པ་ཀུན་ལས་སེམས་གྲོལ་བ།། སྐྱེ་རྒ་ཕྱི་མ་འདྲེན་མི་འགྱུར།།
178b5 ཕྲུགས་ཀྱི་ཚོམས་ཏེ་ཉི་ཤུ་དགུ་པའོ།། །། རྒྱལ་བ་ལས་ནི་ཁོ་ན་འབྱུང་ཞིང་།། ཕ་རོལ་ཕམ་པ་སྡུག་བསྔལ་འཐོབ།། རྒྱལ་དང་ཕ་རོལ་ཕམ་སྤངས་ན།། ཉེ་བར་ཞི་བའི་བདེ་བ
178b6 འཐོབ།། གཞན་ལ་སྡུག་བསྔལ་བསྐྱེད་པ་ཡིས།། གང་ཞིག་བདག་གི་བདེ་འདོད་པ།། དགྲ་དང་མི་འབྲལ་འགྲོགས་པ་དང་།། དེ་ནི་སྡུག་བསྔལ་ལས་མི་འགྲོལ།། བདེ་བ་འདོད་ཕྱིར་འབྱུང་པོ་ལ།། གང
178b7 ཞིག་འཚེ་ཞིང་ཆད་པས་གཅོད།། བདག་གི་བདེ་བ་འདོད་པ་དེ།། ཕ་རོལ་དུ་ནི་བདེ་མི་འགྱུར།། གང་ཞིག་བདེ་བ་འདོད་པ་དག། འབྱུང་པོ་ལ་ནི་མི་འཚེ་ཞིང་།། ཆད་པས་མི་གཅོད་བདེ་འདོད་པ།། དེ་དག་ཕ་རོལ་བདེ
iiif viewer powered by OpenSeadragon
