| e-texts navigator |
| Wylie |
176a1 དྲན་དང་ལྡན་པ་དང་།། རྟག་ཏུ་ཁ་ཟས་ཀྱི་ནི་ཚད་ཤེས་པ།། དེ་ཡི་སྡུག་བསྔལ་ཆུང་བར་འགྱུར་བ་དང་།། དལ་བུས་འཛུབས་ཆེ་ཡང་རིང་བར་བྱེད།། གང་ཞིག་དབང་པོ་མ་བསྡམས
176a2 ཤིང་།། ཟས་ཀྱི་ཚེ་ནི་མི་ཤེས་ལ།། དྲན་པ་ཉམས་དང་ལེ་ལོ་ཅན།། གཙང་བར་ལྟ་ཞིང་གནས་བྱེད་པ།། དེ་ནི་འདོད་ཆགས་རྣམས་ཀྱིས་བཅོས།། རླུང་གིས་མི་བརྟན་ལྗོན་ཤིང་བཞིན།། གང་ཞིག་དབང་།།
176a3 པོ་ལེགས་བསྡམས་ཤིང་།། ཟས་ཀྱི་ཚོད་ནི་ཤེས་པ་དང་།། སོ་སོར་དྲན་བཞིན་བརྩོན་འགྲུས་ལྡན།། མི་གཙང་ལྟ་བས་གནས་བྱེད་པ།། དེ་ནི་འདོད་ཆགས་ཀྱིས་མི་ཚེམས།། རླུང་གིས་རི་བོ་གཡོས་པ
176a4 བཞིན།། དགོན་པ་དགའ་བར་བྱ་འོས་པ།། དེ་ལ་སྐྱེ་བོ་མི་དགའ་ཡང་།། དེ་ལ་འདོད་ཆགས་བྲལ་བ་དགའ།། འདོད་པ་ཚོལ་བར་བྱེད་རྣམས་མིན།། དགོན་པའམ་ཡང་ན་གྲོང་དག་གམ།། གཤོང་ངམ་ཐང
176a5 བུ་དག་ཀྱང་རུང་།། གང་ན་འཕགས་པ་བཞུགས་པ་ཡི།། ས་དེ་ཡིད་དུ་འོང་བ་ཡིན།། དམ་པ་རིང་ནས་སྣང་འགྱུར་ཏེ།། གངས་ཅན་གྱི་ནི་རི་བོ་བཞིན།། ངན་པ་ཉེ་ཡང་མི་སྣང་སྟེ།། མུན་ཁྲོད་མདའ་ནི་འཕངདྲ།།
176a6 པ་བཞིན།། མཁས་པ་དོར་སེམས་བྱེད་པ་ཡི།། དམ་པ་ཉིད་དང་འགྲོགས་ན་ནི།། དོན་ཆེན་འགྱུར་ཞིང་ཟབ་མོ་ཡི།། ཤེས་རབ་སོ་སོར་རྟོག་པར་འགྱུར།། གཞུ་ཡིས་མདའ་འཕངས་བསྣུན་པ་ཡིས།།
176a7 གཡུལ་ངོའི་གླང་ཆེན་ཇི་བཞིན་དུ།། ཚུལ་འཆལ་སྐྱེ་བོ་མང་པོ་ཡིས།། མི་སྙན་སྨྲས་པ་བཟོད་པར་བྱ།། མི་གང་ཁྱིམ་འབིགས་བྱེད་པ་དང་།། དད་པ་མེད་ཅིང་བྱས་མི་གཟོ།། གོ་སྐབས་བཅོམ་དང་སྐྱུགས
iiif viewer powered by OpenSeadragon
