| e-texts navigator |
| Wylie |
173a1 གཅིག་པུ་གནས་ཀྱང་རུང་།། ངང་པས་ཆུ་ལས་འོ་མ་འཐུང་བ་ལྟར།། མཁས་པ་སྡིག་པ་ཅན་རྣམས་རབ་ཏུ་སྤང་།། འཇིག་རྟེན་ཉེས་དམིགས་མཐོང་བ་དང་།། འགོག་པ།
173a2 འགྱུར་བའི་ཆོས་མཐོང་བས།། འཕགས་པ་སྡིག་ལ་དགའ་མི་བྱེད།། སྡིག་ཅན་དགེ་ལ་དགའ་མི་འགྱུར།། ལེགས་པར་ཉེར་ཞིའི་རོ་དང་ནི།། རབ་ཏུ་དབེན་པའི་རེ་ཤེས་པ།། རིམས་ནད་མེད་ཅིང
173a3 སྡིག་མེད་ལ།། ཆོས་ལ་དགའ་བའི་རོ་དག་འཐུང་།། སེམས་ཀྱིས་ཟག་པ་མེད་པ་དང་།། སེམས་ནི་འཆིང་བས་མ་བཅོམ་ལ།། དགེ་དང་སྡིག་པ་རབ་སྤངས་པ།། ངན་འགྲོ་རྣམས་ཀྱི་འཇིགས་པ་དང་།། །
173a4 གནས་མིན་ཟློག་དང་ལེགས་སྨྲ་དང་།། ཉེས་དམིགས་སྟོན་པར་བྱེད་པ་དང་།། མཁས་པ་ཚར་བཅད་སྨྲ་བྱེད་པ།། དེ་ལྷའི་སྐྱེ་དགུ་བསྟེན་པར་བྱ།། དེ་ལྟ་བུ་དག་བསྟེན་བྱས་ན།། སྡིག་པར་མི་འགྱུར་ལེགས
173a5 པར་འགྱུར།། ཉེ་བར་ཞི་ཞིང་རབ་ཞི་ལ།། དལ་བུས་སྨྲ་ཞིང་ཁེངས་མེད་པ།། སྡིག་པའི་ཆོས་རྣམས་སྤྲུག་བྱེད་དེ།། རླུང་གིས་ལྗོན་ཤིང་ལོ་མ་བཞིན།། གང་ཞིག་སྐྱེས་བུ་དག་ཅིང་ཉོན་མོངས་མེད།། རབ་ཏུ
173a6 སྡུང་མེད་མི་ལ་ཁྲོ་བྱེད་པའི།། བྱིས་པ་དེ་ལ་སྡིག་པ་ཕྱིར་འགྲོ་སྟེ།། རྫི་ཕྱོགས་སུ་ནི་རྡུལ་རྣམས་གཏོར་བ་བཞིན།། དགེ་བ་བྱེད་པས་དགེ་བ་དང་།། སྡིག་པ་བྱེད་ལས་སྡིག་པ་སྟེ།། མི་ཡིས་གང་དང་གང་བྱས་པ།།
173a7 དེ་དེ་རང་གིས་མཐོང་བར་འགྱུར།། བདག་གིས་སྡིག་པ་བྱས་ན་ནི།། དེ་བདག་ཁོ་ན་ཀུན་ནོར་མོངས།། བདག་གིས་སྡིག་པ་མ་བྱས་ན།། བདག་ཉིད་ཁོ་རན་རྣམ་པར་དག། གཞན་གྱིས་གཞན་སྦྱོང་མི་བྱེད་ཀྱི།། དག
iiif viewer powered by OpenSeadragon
