| e-texts navigator |
| Wylie |
172a1 #དྲི་ཞིམ་གྱིས་བསྐུས་ནས།། རྐང་པ་བཙག་གིས་བྱུགས་པ་དག། བྱིས་པ་ལྷག་པར་རྨོངས་བྱེད་ཀྱང་།། ཕ་རོལ་ཚོལ་བར་མི་བྱེད་དོ།། གང་ཞིག་འདོད་པར་ཀུན་སྦྱོར་འབྲེལ་ཆགས།
172a2 ཤིང་ཀུན་ཏུ་སྦྱོར་བའི་སྐྱོན་རྣམས་མ་མཐོང་བ།། འདོད་པར་འབྲེལ་ལ་ཆགས་པའི་མི་དེ་ཡིས།། ཆུ་བོ་མཐའ་ཡས་ཡངས་པ་རྒལ་མི་འགྱུར།། ཆགས་བྲལ་མཆོག་དང་ཐ་མ་ཐམས་ཅད་དག། འདི
172a3 ལ་བདག་དང་བདག་གིར་མི་བལྟ་ཞིང་།། དེ་ལྟར་རྣམ་གྲོལ་སྔོན་ཆད་མ་རྒལ་བའི།། ཆུ་བོ་རབ་རྒལ་ཡང་སྲིད་མེད་པར་འགྱུར།། གང་ཞིག་ཚལ་སྤངས་ཚལ་མེད་པ།། ནགས་ཚལ་སྤངས་ནས་ནགས་སུ
172a4 རྒྱུག། གྲོལ་བ་འཆིང་བར་གཅེན་པ་ཡི།། གང་ཟག་འདི་ནི་ལྟོས་ཤིག་ཚུར།། ཤིང་རྟ་འཐུན་པའི་རྩིབས་ལྡན་པ།། ཡན་ལག་ཡིད་འོང་གོས་དཀར་གཡོགས།། སྡིག་མེད་འགྲོ་བ་ལ་ལྟོས་ལ།། འཆིངས
172a5 པའི་རྒྱུན་རྣམས་གཅད་པར་གྱིས།། འཇིགས་པས་སྐྲག་པའི་མི་དག་ནི།། ཕལ་ཆེར་རི་དང་ནགས་ཚལ་དང་།། སྐྱེད་མོས་ཚལ་དང་མཆོད་གནས་དང་།། ལྗོན་ཤིང་རྣམས་ལ་སྐྱབས་སུ་འགྲོ།། སྐྱབས་དེ
172a6 གཙོ་བོ་མ་ཡིན་ཞིང་།། སྐྱབས་དེ་མཆོག་ཏུ་གྱུར་པ་མིན།། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་མི་འགྱུར།། གང་ཞིག་སངས་རྒྱས་ཆོས་དང་ནི།། དགེ་འདུན་ལ་ནི་སྐྱབས་སོང་ཞིང་།། །
172a7 སྡུག་བསྔལ་སྡུག་བསྔལ་ཀུན་འབྱུང་དང་།། སྡུག་བསྔལ་ཡང་དག་འདས་པ་དང་།། བདེ་བ་མྱ་ངན་འདས་འགྲོ་བའི།། འཕགས་ལམ་ཡན་ལག་བརྒྱད་པ་སྟེ།། འཕགས་པའི་བདེན་པ་བཞི་པོ་དག། གང
iiif viewer powered by OpenSeadragon
