| e-texts navigator |
| Wylie |
170a1 དགའ་མི་བྱ།། དེ་ཡི་ངེས་པར་འབྱུང་བའི་གཞིག། རྟོག་དང་དཔྱོད་དང་ཞི་བ་དང་།། སྡུག་བསྔལ་ཆོས་རྣམས་འགག་པ་སྟེ།། འདུ་བྱེད་ཉེ་བར་ཞི་བ་བདེ།། དགེ་སློང་དག་དེ་ནི་གང་དུ་ཡང
170a2 གནས་པར་མི་འགྱུར་ཏེ།། ས་ལ་གནས་པར་མི་འགྱུར།། ཚུལ་མ་ཡིན། མེ་ལ་མ་ཡིན། རླུང་ལ་མ་ཡིན། ནམ་མཁའ་མཐའ་ཡས་སྐྱེ་མཆེད་ལ་མ་ཡིན། རྣམ་ཤེས་མཐའ་ཡས་སྐྱེ་མཆེད་ལ་མ་ཡིན།། ཅི་ཡག
170a3 མེད་པའི་སྐྱེ་མཆེད་ལ་མ་ཡིན། འདུ་ཤེས་ཡོད་མིན་མེད་མིན་སྐྱེ་མཆེད་ལ་མ་ཡིན། འཇིག་རྟེན་འདི་ལ་མ་ཡིན། འཇིག་རྟེན་ཕ་རོལ་ལ་མ་ཡིན། ཉི་མ་དང་ཟླ་བ་གཉིས་ལ་གནས་པ་མ་ཡིན་ཏེ། འདི་དམིགས་པ
170a4 མེད་པར་ངས་མངོན་པར་ཤེས་སོ།། དགེ་སློང་དག་དེ་ལ་འགྲོ་བ་དང་འོང་བ་ཡོད་པར་ང་མི་སྨྲ་སྟེ། གནས་པར་མ་ཡིན་ནོ།། འཆི་འཕོ་ཡོད་པར་ང་མི་སྨྲ་སྟེ། སྐྱེ་བར་མ་ཡིན་པ་འདི་ལྟ་བུ་འདི་ནི་སྡུག་བསྔལ་གྱི་མཐའ་ཡིན།།
170a5 ནོ།། ས་དང་ཆུ་དང་མེ་དང་རླུང་།། གང་ལའང་གནས་པ་མ་ཡིན་པ།། དེ་ལ་དཀར་པོས་གསལ་མི་བྱེད།། དེ་ལ་མུན་པའང་ཡོད་མ་ཡིན།། དེ་ལ་ཟླ་བས་སྣང་མི་བྱེད།། དེ་ལ་ཉི་མས་མངོན་མི་བྱེད།། ཐུབ་པ་བྲམ་ཟེ་གང
170a6 ཡིན་པ།། དེས་ནི་རང་གིས་རིག་པ་ཡིན།། དེ་ནི་གཟུགས་དང་གཟུགས་མེད་དང་།། སྡུག་བསྔལ་ཀུན་ལས་རབ་ཏུ་གྲོལ།། མཐར་ཕྱིན་འཇིགས་པ་མེད་པ་སྟེ།། རློམ་མེད་འགྱོད་པ་མེད་པ་ཡིན།། སྲིད་པའི་ཟུག་རྔུ
170a7 གཏུགས་པ་སྟེ།། ལུས་ཀྱི་ཐ་མར་གྱུར་པ་ཡིན།། འདི་ནི་མཐར་ཕྱིན་རྣམས་ཀྱི་མཆོག་བཞི་བའི་གོ་འཕང་བླ་མེད་པ།། མཚན་མ་ཐམས་ཅད་ཟད་པ་སྟེ།། བྱང་གྲོལ་གོ་འཕང་འཆི་མེད་ཡིན།། མཚུངས་དང
iiif viewer powered by OpenSeadragon
