| e-texts navigator |
| Wylie |
169b1 མི་འགྱུར་རོ།། འགྲོ་བ་དང་འོང་བ་མེད་པས་གཞན་དུ་ཤི་འཕོ་ལེན་པ་མེད་པར་འགྱུར་རོ།། གཞན་དུ་འཆི་འཕོ་ལེན་པ་མེད་པས་འདི་ལྟར་གཞན་དུ་སྐྱེ་བ་དང་། ན་བ་དང་། ན་བ་དང་། འཆི་བ་དང་།
169b2 ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་ཞིང་། འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར
169b3 འགྱུར་རོ།། དགེ་སློང་དག་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་མ་བྱས་པ་དང་། མི་འབྱུང་བ་ཡོད་དོ།། སྐྱེ་བ་དང་། འབྱུང་བ་དང་། བཅོས་མ་དང་། སེམས་པས་བྱས་པ་དང
169b4 འདུས་བྱས་དང་། རྟེན་ཅིང་འབྲེལ་པར་འབྱུང་བ་ཡོད་དོ།། དགེ་སློང་དག་གལ་ཏེ་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་བྱས་དང་། མི་འབྱུང་བ་མེད་དུ་ཟིན་ན་སྐྱེ་བ་དང་ཀའབྱུང་བ་དང་། བཅོས
169b5 མ་དང་། འདུས་བྱས་དང་།། སེམས་པས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས་ང་མི་སྨྲའོ།། དགེ་སློང་དག་གི་ཕྱིར་འདི་ན་མ་སྐྱེས་པ་དང་ཀམ་བྱུང་བ་དང་། མ་བཅོས་པ་དང་།
169b6 འདུས་མ་བྱས་པ་དང་། མི་འབྱུང་བ་ཡོད་པ་དེའི་ཕྱིར་སྐྱེ་བ་དང་། འབྱུང་བ་དང་། བཅོས་མ་དང་། འདུས་བྱས་དང་། སེམས་པས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས
169b7 ངསླའོ།། སྐྱེས་དང་བྱུང་དང་འབྱུང་བ་དང་།། བཅོས་དང་འདུས་བྱས་མི་བརྟན་ཞིང་།། རྒ་དང་འཆི་དང་རྨོངས་པ་ཡི།། ཆོས་ཅན་རབ་ཏུ་འཇིག་འགྱུར་བ།། ཟས་ཀྱི་རྒྱུད་ལས་བྱུང་བ་ཡི།། འཇིག་འགྱུར་འདི་ལ
iiif viewer powered by OpenSeadragon
