| e-texts navigator |
| Wylie |
169a1 ནི་བཅད་པ་དང་།། འདོད་ཆགས་རབ་ཏུ་སྤངས་པ་དང་།། མཚོ་བསྐམས་ནས་ནི་མི་འབབ་པ།། འདི་འདྲ་འདི་ནི་སྡུག་བསྔལ་མཐའ།། ལུས་ཞིག་ཚོར་བ་བསིལ་བར་གྱུར།། འདུ་ཤེས།
169a2 འགགས་ཤིང་འདུ་བྱེད་ནི།། རྣམ་པར་ཤེས་པ་ནུབ་གྱུར་པ།། འདི་འདྲ་འདི་ནི་སྡུག་བསྔལ་མཐའ།། ལྟ་བས་མཐོང་བར་གྱུར་ཙམ་དང་།། ནན་པས་ཐོས་པར་གྱུར་པ་ཙམ།། རྟོགས་པར་བྱེད་པས་རྟོགས
169a3 ཙམ་དང་།། རྣམ་པར་ཤེས་པས་རྣམ་ཤེས་ཙམ།། འདི་འདྲ་འདི་ནི་སྡུག་བསྔལ་མཐའ།། འདི་དང་མ་དང་གདུང་རབ་གདུངས།། འདི་འདྲ་འདི་ནི་སྡུག་བསྔལ་མཐའ།། མ་རེག་མ་དགའ་རབ་ཞི་དང་།། ཀུན་ཏུ
169a4 འདོད་ཆགས་བྲལ་གྱུར་པ།། འདི་འདྲ་འདི་ནི་སྡུག་བསྔལ་མཐའ།། རྟེན་པ་ཡོད་པས་སྤྱོད་པས་འགྱུར་རོ།། སྤྱོད་པ་ཡོད་པས་གཞོལ་བར་འགྱུར་རོ།། གཞོལ་བ་ཡོད་པས་ཤིན་ཏུ་མ་སྦྱངས་པར་འགྱུར་རོ།།
169a5 ཤིན་ཏུ་མ་སྦྱངས་པ་ཡོད་པས་འགྲོ་བ་དང་འོང་བར་འགྱུར་རོ།། འགྲོ་བ་དང་།། འོང་བར་ཡོད་པས་གཞན་དུ་ཤི་འཕོ་ལེན་པར་འགྱུར་རོ།། གཞན་དུ་ཤི་འཕོ་བླངས་པས།། འདི་ལྟར་གཞན་དུ་སྐྱེ་བ་དང་། རྒ
169a6 བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་འབྱུང་ཞིང་འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར།
169a7 འགྱུར་རོ།། རྟེན་པ་མེད་པས་སྤྱོད་པ་མེད་པར་འགྱུར་རོ།། སྤྱོད་པ་མེད་པས་གཞོལ་བར་མི་འགྱུར་རོ།། གཞོལ་བར་མ་གྱུར་པས་ཤིན་ཏུ་སྦྱངས་པར་འགྱུར་རོ།། ཤིན་ཏུ་སྦྱངས་པས་འགྲོ་བ་དང་འོང་བར
iiif viewer powered by OpenSeadragon
