| e-texts navigator |
| Wylie |
168a1 མཁས་པ་ཡིན།། བྱིས་པ་གང་ཞིག་མཁས་སེམས་པ།། དེ་ནི་བྱིས་པ་ཞེས་བརྗོད་དོ།། བྱིས་པས་བསྟོད་པ་གང་ཡིན་དང་།། མཁས་པས་སྨད་པ་གང་ཡིན་ལས།། མཁས
168a2 བས་སྨད་པ་ཆེས་རུང་གི། བྱིས་པས་བསྟོད་པ་མི་རུང་ངོ་།། བྱིས་པ་བསྟེན་པ་སྡུག་བསྔལ་ཞིང་།། རྣམ་པ་ཀུན་ཏུ་དགྲ་འདྲ་བས།། བྱིས་པ་མི་ཐོས་མི་མཐོང་ཞིང་།། མ་བསྟེན་གྱུར་པ་ཉིད་རུང་ངོ་།། གཉེན
168a3 དང་ཕྲད་པ་ཇི་ལྟ་བར།། བརྟན་པ་བསྟེན་ན་བདེ་བར་འགྱུར།། དེ་བས་རྒྱུ་སྐར་ལམ་དུ་ཟླ་བ་ལྟར།། བརྟན་ཞིང་ཐོས་མང་མཆོག་འདྲེན་བྱེད་པ་དང་།། ཚུལ་ཁྲིམས་ལྡན་དང་འཕགས་པའི་བརྟུལ་ཞུགས
168a4 ཅན་། མི་མཆོག་བརྩེ་ལྡན་བློ་བཟང་བསྟེན་པར་གྱིས།། མཛའ་བཤེས་ཀྱི་ཚོམས་ཏེ་ཉི་ཤུ་རྩ་ལྔ་པའོ།། ། རུས་སྦལ་རང་གི་ཁོག་པར་ཡན་ལག་ལྟར།། དགེ་སློང་ཡིད་ཀྱི
168a5 རྣམ་རྟོག་ནང་བསྡུས་ནས།། རྟེན་པ་མེད་ཅིང་གཞན་ལ་འཚེ་མེད་པར།། མྱ་ངན་འདས་ལ་སུ་ཡང་སྨོད་མི་བྱེད།། བཟོད་པ་དཀའ་ཐུབ་མཆོག་སྟེ་བཟོད་པ་ནི།། མྱ་ངན་འདས་པ་མཆོག་ཅེས་སངས་རྒྱས་གསུང་།།
168a6 རབ་ཏུ་བྱུང་བ་གཞན་ལ་འཚེ་བ་ནི།། གཞན་ལ་གནོད་པས་དགེ་སྦྱོང་མ་ཡིན་ནོ།། ཚིག་རྩུབ་ཅི་ཡང་སྨྲ་མི་བྱ།། སྨྲས་ན་སླར་ཡང་སྨྲ་བར་བྱེད།། འཐབ་གཟུགས་ཚིག་གིས་སྡུག་བསྔལ་ཞིང་།། དེ་ལ་ཕྱིར
168a7 ཡང་ཆད་པས་གཅོད།། གལ་ཏེ་བདག་གིས་པར་བྱས་ན།། འཁར་བའི་སྣོད་ལ་བརྡུངས་པ་བཞིན།། འཁོར་བར་སྐྱེ་དང་རྒ་བ་དག། ཡུན་རིང་ཉམས་སུ་མྱོང་བར་འགྱུར།། བདག་གིས་ཕར་ནི་མེ་བྱས་དང་།།
iiif viewer powered by OpenSeadragon
