| e-texts navigator |
| Wylie |
167b1 ཇི་སྲིད་གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ཡིས་ཆོས་ཤེས་མི་འགྱུར་ཏེ།། གཟར་བུས་ཚོད་མའི་རོ་བཞིན་ནོ།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་པས།
167b2 ཀྱང་དེ་ཡིས་ཆོས་རྣམས་ཤེས་འགྱུར་ཏེ།། ལྕེ་ཡིས་ཚོད་མའི་རོ་བཞིན་ནོ།། བྱིས་པས་ཇི་སྲིད་གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ལ་མིག་ནི་མེད་པའི་ཕྱིར།། ཆོས་རྣམས
167b3 ཤེས་པར་མི་འགྱུར་རོ།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་བྱས་ཀྱང་།། དེ་ལ་མིག་ནི་ཡོད་པའི་ཕྱིར།། ཆོས་རྣམས་རབ་ཏུ་ཤེས་པར་འགྱུར།། བྱིས་པས་ཇི་སྲིད་གསོན
167b4 བར་དུ།། གལ་ཏེ་མཁས་པ་བསྟེན་བུས་ཀྱང་།། རྫོགས་པའི་སངས་རྒྱས་ཀྱིས་བསྟན་པའི།། ཆོས་རྣམས་དེ་ཡིས་ཤེས་མི་འགྱུར།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན
167b5 པས་ཀྱང་།། རྫོགས་སངས་རྒྱས་ཀྱིས་བསྟན་པ་ཡི།། ཆོས་རྣམས་དེ་ཡིས་ཤེས་པར་འགྱུར།། དོན་ལྡན་ཚིག་ནི་གཅིག་གིས་ཀྱང་།། མཁས་པ་ཡི་ནི་བྱ་བ་བྱེད།། སངས་རྒྱས་ཀུན་གྱི་གསུང
167b6 གིས་ཀྱང་།། བྱིས་པའི་བྱ་བ་བྱེད་མི་འགྱུར།། བློ་དང་ལྡན་པ་ཚིག་གཅིག་གིས།། ཚིག་བརྒྱ་དག་ནི་ཤེས་པར་འགྱུར།། བྱིས་པ་ལ་ནི་ཚིག་སྟོང་གིས།། ཚིག་གཅིག་ཤེས་པར་མི་འགྱུར་རོ།། ཉིས་ན
167b7 མཁས་དང་མི་མཛད་བླའོ།། བྱིས་པ་རྣམས་དང་མཛའ་མི་རུང་།། བྱིས་པ་རྣམས་དང་མཛའ་བྱེད་པ།། སེམས་ཅན་དམྱལ་བར་ཁྲིད་པར་བྱེད།། བྱིས་པ་གང་ཞིག་བྱིས་པའོ་ཞེས།། ཤེས་པ་དེ་འདིར
iiif viewer powered by OpenSeadragon
