| e-texts navigator |
| Wylie |
167a1 སྨྲས་མཉན་བྱས་ན།། རིང་པོ་ནས་ཀྱང་ཁྱད་པར་ཐོབ་པར་འགྱུར།། དམན་པ་བསྟེན་པས་མི་དག་ཉམས་འགྱུར་ཞིང་།། ཐར་ཀར་བབ་པ་བསྟེན་པས་སོ་ན་གནས།། གཙོ་བོ་བསྟེན
167a2 པས་དམ་པ་འཐོབ་འགྱུར་བས།། དེ་ཕྱིར་བདག་པས་གཙོར་གྱུར་བསྟེན་པར་བྱ།། ཚུལ་ཁྲིམས་ཉེ་བར་ཞི་བ་དང་།། ཤེས་རབ་ཆེན་མཆོག་ལྡན་པ་ཡི།། གཙོ་བོ་གང་ཡིན་དེ་བསྟེན་ན།། གཙོ་བོ་བས་ཀྱང་ཆེས
167a3 གཙོར་འགྱུར།། མི་ཡིས་འདི་ན་ཉ་རུལ་ལ།། ཀུ་ཤའི་བསང་བྱེད་བཅིངས་པ་གང་།། ཀུ་ཤ་ཉིད་ཀྱང་རུལ་འགྱུར་བ།། སྡིག་པ་བསྟེན་པའང་དེ་བཞིན་འགྱུར།། མི་ཡིས་རྒྱ་སྤོས་པ་ལ་ཤའི།། ལོ་མང་ཕྱུར
167a4 མ་བྱས་པ་གང་།། ལོ་མ་ཉིད་ཀྱང་དྲི་ཞིམ་པ།། དམ་པ་བསྟེན་པའང་དེ་བཞིན་འགྱུར།། གལ་ཏེ་སྡིག་པ་བྱེད་པ་དག། སྡིག་མི་བྱེད་པས་བསྟེན་ན་ཡང་།། སྡིག་པ་བྱེད་པར་དོགས་སྐྱེ་ཞིང་།། མི་སྙན་པ་ཡང་འཕེལ
167a5 བར་འགྱུར།། བསྟེན་བྱ་མ་ཡིན་བསྟེན་པའི་མི།། དེ་ཡི་སྐྱོན་གྱིས་སྐྱོན་ཅན་འགྱུར།། དོང་པར་དུག་བསྐུས་མདའ་བཅུག་པས།། དུག་མ་བསྐུས་པའང་གོས་པ་བཞིན།། བརྟན་པ་སྐྱོན་གོས་འཇིགས་པ་དག
167a6 སྡིག་པ་ཅན་དང་བཤེས་མི་བྱ།། ཇི་ལྟར་གྲོགས་པོ་བསྟེན་པ་དང་།། ཇི་ལྟར་ཉེ་བར་བསྟེན་བྱས་པ།། བསྟེན་བྱ་དེ་ནི་ཅི་འདྲ་བར།། རིང་པོ་མི་ཐོགས་དེ་འདྲར་འགྱུར།། དེ་བས་འབྲས་བུའི་སྣོད་བཞིན་དུ།།
167a7 གཞིག་གིས་བསྟེན་པ་ཤེས་པ་ཡིས།། དམ་པ་མ་ཡིན་མི་བསྟེན་ཅིང་།། མཁས་པས་དམ་པ་བསྟེན་བྱས་ལ།། དགེ་སློང་དེ་ཡི་ལམ་རྗེས་འབྲངས།། སྡུག་བསྔལ་ཟད་པ་ཐོབ་པར་འགྱུར།། བྱིས་པས
iiif viewer powered by OpenSeadragon
