| e-texts navigator |
| Wylie |
163b1 མཐོང་བར་མ་གྱུར་ན།། བྱིས་པ་ཀུན་ནས་བསྒྲིབས་པ་དག། དེ་ནི་སྤ་ཡིས་དྲང་དུ་རུང་།། གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་དག་ཀྱང་མཐོང་གྱུར་པ།། བརྟན་པ་ངེས་འབྱུང་ཤེས་རབ་ཅན།། དེ་ན
163b2 སྒྲ་ཡིས་དྲང་མི་རུང་།། རྣབས་ཕལ་ཆེན་ཐོས་པ་དང་།། མིག་གིས་མང་པོ་མཐོང་ན་ཡང་།། བརྟན་པ་མཐོང་ཐོས་དེ་ཀུན་གྱིས།། ཡིད་ཆེས་བྱ་བའི་མི་རིགས་སོ།། ལེགས་གསུངས་ཐོས་པ་སྙིང་པོར
163b3 ཤེས་པ་དང་།། ཏིང་ངེ་འཛིན་དག་སྙིང་པོར་ཤེས་གྱུར་ཀྱང་།། གང་ཞིག་བག་མེད་བརླང་པོར་བྱེད་པ་དེའི།། ཐོས་དང་ཤེས་པ་དོན་ཆེན་མི་འགྱུར་རོ།། གང་ཞིག་འཕགས་པས་བསྟན་པའི་ཆོས་འགའ
163b4 ཞིག། དེ་བཞིན་ལུས་དང་ངག་གིས་སྤྱོད་བྱེད་པ།། དེ་དག་བཟོད་ལྡན་འགྲོགས་དགའ་དབང་པོ་བསྡམས།། ཐོས་དང་ཤེས་རབ་ཕ་རོལ་ཕྱིན་པ་འཐོབ།། ཐོས་པའི་ཆོམས་ཏེ་ཉི་ཤུ་གཉིས་པའོ།།
163b5 ལེགས་པར་གསུངས་ལ་བསླབ་བྱ་ཞིང་།། དགེ་སྦྱོང་ལ་ནི་བསྙེན་བཀུར་དང་།། དབེན་པ་དང་ནི་སྟན་གཅིག་དང་།། སེམས་ནི་ཉེ་བར་ཞི་བར་བྱ།། སྟན་གཅིག་མལ་སྟན་གཅིག་པ
163b6 དང་།། གཅིག་པུ་སྙོམས་ལས་མེད་སྤྱོད་ཅིང་།། གཅིག་པུ་ནགས་ཚལ་གནས་པ་དང་།། གཅིག་པུས་བདག་ཉིད་གདུལ་བར་བྱ།། གང་ཞིག་སྟོང་ཕྲག་སྟོང་དག་གི། མི་ཡི་གཡུལ་ལས་རྒྱལ་བ་ལས།
163b7 གང་ཞིག་བདག་ལས་རྒྱལ་བྱེད་པ།། དེ་ནི་མི་ཡི་གཡུལ་ལས་རྒྱལ།། རྟག་ཏུ་སྡོམ་པ་སྤྱོད་པ་ཡི།། མི་ཡིས་བདག་འདུལ་གཅིག་པུ་ཡིས།། བདག་ཉིད་ལས་ནི་རྒྱལ་མཆོག་ཡིན།། སྐྱེ་དགུ་གཞན་ལྷ་ཕལ
iiif viewer powered by OpenSeadragon
